Верхнянёманская нізіна: Розніца паміж версіямі

 

Мяжуе на поўначы з Сярэднянёманскай нізінай і [[Лідская раўніна|Лідскай раўнінай]], на паўночным ўсходзе з [[Ашмянскае ўзвышша|Ашмянскім]] і [[Мінскае ўзвышша|Мінскім]] узвышшамі, на ўсходзе і паўднёвым усходзе з Капыльскай градой і прылеглымі раўнінамі, на поўдні і захадзе з [[Навагрудскае ўзвышша|Навагрудскім]], Слонімскім, [[Ваўкавыскае ўзвышша|Ваўкавыскім]] і [[Гродзенскае ўзвышша|Гродзенскім]] узвышшамі.

 

Рэльеф Верхнянёманскай нізіны пераважна эразійна-акумулятыўны. Пашыраны ледавікова-азёрная нізіна паазерскага веку (на Скідзельскім участку) і водна-ледавіковая нізіна сожскага веку (на Любчанскім участку). Спадзіста-хвалістая паверхня нізіны мае эолавыя формы вышынёю да 5—10 м (грады, пагоркі, дзюны), лагчыны сцёку, каля рэк — яры і лагчыны, абразійныя ўступы былых берагоў прыледавіковых азёр; месцамі забалочаныя, з азёрнымі катлавінамі. Ёсць участкі азёрна-алювіяльнай нізіны (пры ўпадзенні р. Бярэзіна ў р. Нёман) і марэннай раўніны. Вылучаюцца глыбока ўрэзаныя даліны Нёмана (да 20—45 м) і яго прытокаў з шырокімі забалочанымі поймамі, шматлікімі старыцамі, тэрасамі, з якіх найбольш выразныя 2 узроўні — вышынёю 4—9 м і 8—12 м.