Залацістая шчурка: Розніца паміж версіямі

| name = Залацістая шчурка

'''Залацістая шчурка''' (''Merops apiaster'')  — [[птушка]] атраду [[ракшападобныя]] (Coraciiformes), сямейства шчуркавыя (''Meropidae'').

Птушка памерамі са шпака, даўжыня цела 27-30  см. Маса 50-60 г. Афарбоўка вельмі яркая: у апярэнні шмат пёраў з зялёнымі, блакітнымі, жоўта-рыжымі адценнямі. Галава зверху каштанавая, з бакоў зеленавата-блакітная. Палоса за вокам і пад ім, пёры на вушах - — чорныя. Падбародак і горла ярка-жоўтыя. Доўгая чорная [[дзюба]] крыху як бы загнутая ўніз. Спіна зверху бліжэй да галавы каштанавая, яе ніз і паясніца - — залаціста-рыжыя. Хвост зеленавата-сіні, доўгі. Сярэдняя пара рулявых пёраў на 2-3  см даўжэйшая за астатнія. Ногі карычнявата-шэрыя. Афарбоўка маладых птушак больш бледная і цьмяная.

Гняздуецца на поўдні Еўропы, у Азіі, на паўночным захадзе Афрыкі. Пашырана ад [[Малдова|Малдовы]] і [[Украіна|Украіны]] да [[Каўказ]]а і вусцяў Волгі і Урала, на поўнач да [[Курск]]а, [[Тамбоў|Тамбова]], вусця Камы, [[возера Балхаш]], далей на ўсход арэал пашыраецца да [[Сяміпалацінск]]а і Барнаула і яшчэ далей - — да Зайсанскай і Эмельскай катлавін.

У Беларусі птушка жыве толькі на самым крайнім поўдні. Упершыню названа для [[Палессе|Палесся]] ў [[1887]]  г. А.Нікольскім. У чэрвені 1980  г. за 2  км на поўнач ад [[Гомель|Гомеля]] знойдзена гняздо з кладкай, а ў ліпені 1985  г. ў наваколлі г.п. [[Тураў]] ва ўрочышчы Казаргаць выяўлена каланіяльнае пасяленне птушак. У гнездавы перыяд у 1986  г. птушкі таксама адзначаны каля в. Дрэбек [[Лунінецкі раён|Лунінецкага раёна]]. У іншых раёнах Беларусі шчурка не сустракалася.

Грамадскія птушкі, трымаюцца чародамі, часта садзяцца на правады і сухія галіны, лятаюць хутка, лёгка. Гняздуюцца ў норах глыбінёй 1-1,5  м, якія робяць самі дзюбай у пясчаных абрывах. У гняздзе 5-8 белых бліскучых амаль шарападобнай формы яек памерамі 26 x 21,9  мм. Кормяцца джаланоснымі восамі і пчоламі, а таксама матылькамі, у т.л. такімі, якія маюць засцерагальную афарбоўку і не паядаюцца іншымі птушкамі.