Інфармацыйнае бюро салідарнасці з Беларуссю: Розніца паміж версіямі
Stary Jolup (размовы | уклад) з be-x-old:Інфармацыйнае бюро салідарнасьці зь Беларусьсю |
(Няма розніцы)
|
Версія ад 22:26, 14 сакавіка 2013
Інфармацыйнае Бюро Салідарнасці з Беларуссю (ранейшая назва - Бюро салідарнасці з дэмакратычнай Беларуссю) - беларускае інфармацыйнае бюро ў Варшаве.
Заснавана у студзені 2011 году ў Варшаве[1]. Ініцыятыва стварэння паўстала пасля прэзыдэнцкіх выбараў 2010 году, калі частка апанэнтаў беларускай улады трапіла за краты, а частка вымушала была з'ехаць у эміграцыю[2]. Улады Варшавы прадаставілі бюро памяшканне пад офіс у цэнтры горада.
Мэты
- Інфармаванне жыхароў Беларусі на тэму дэмакратычных вартасцяў і стратэгіі Эўразвязу адносна Беларусі;
- Павелічэнне інфармавання міжнароднай супольнасці на тэму палітычнай, эканамічнай і культурнай сітуацыі на Беларусі;
- Паглыбленне сувязяў паміж беларускай грамадзянскай супольнасцю і міжнароднай дэмакратычнай супольнасцю.
Паводле арганізатараў установы, офіс мае быць свайго роду памостам паміж прадстаўнікамі беларускага дэмакратычнага грамадзтва й міжнароднай супольнасцю. Бюро пастаянна інфармуе пра падзеі ў Беларусі. У бюро працуюць беларускія эксперты, аналітыкі ды журналісты.
Праца
Штогод з 2011 году ладзіць конкурс «Беларусь у фокусе», які скіраваны да журналістаў, якія пішуць пра Беларусь для замежных (не-беларускіх) выданняў[3].
16 снежня 2011 году разам зь іншымі беларускімі арганізацыямі (Беларускі Дом у Варшаве, Беларускі Цэнтар ва Ўкраіне (Кіеў), Office for a Democratic Belarus (Брусэль), Грамадзянскае і палітычнае прадстаўніцтва ў Літве (HUB, Вільня), Free Belarus Now (Вялікабрытанія, Лондан) ладзіла імпрэзу «Падзяка на знак Салідарнасці»[4].
У 2011 годзе Бюро кансультавала і кіравала міжнароднай прамоцыяй фільма "Беларуская мара". Фільм быў паказаны ў 20 краінах больш за 40 разоў і атрымаў тры ўзнагароды.
Бюро правяло цыкл сустрэч і прэсавых канфэрэнцыяў у Варшаве, Вільні, Празе, Берліне, Брусэлю, Капэнгагене, Гаазе, Вашынгтоне ў студзені 2011 году, што прывяло да змены рэзалюцыі PACE па Беларусі. Сэрыя прэсавых канфэрэнцыяў “Беларусь на мяжы краху: палітычныя суды і прысуды” адбылася у Варшаве, Празе і Брусэлі . У Варшаве праведзена фотавыстава “100 чорных дзён Беларусі”[5].
У красавіку 2012 Бюро правяло, з дапамогаю Канадзкай амбасады, у Старым месьце Варшавы выставу прац беларускіх фатографаў. Працы Юліі Дарашкевіч, Зьміцера Брушко, Сяргея Гапона, Сяргея Гудзіліна, Сяргея Васільева і Аляксандра Васюкевіча прадстаўлялі падзеі, што адбывалі на Беларусі ў 2011 годзе.
Увосень 2012 Бюро сумесна з Міжнароднай фэдэрацыяй журналістаў і Беларускай асацыяцыяй журналістаў, стварылі "Belarus for journalists" - дапаможнік для замежных журналістаў па Беларусі[6]. Ён з'мяшчае практычную інфармацыю пра візавыя працэдуры, пытанні акрэдытацыі, бяспекі і іншае.
Каманда
У 2012 годзе офіс складаўся з 5 сталых супрацоўнікаў. Акрамя таго, Бюро працуе ў цесным супрацоўніцтве з групай экспэртаў на Беларусі. Бюро кіруе Юлія Слуцкая, былая дырэктарка менскага офісу Еўрапейскага радыё для Беларусі (2007-2011) і рэдактарка газэты «Комсомольская правда в Беларуси» (1994-2006).