Несцер Фёдаравіч Сакалоўскі: Розніца паміж версіямі

Скончыў Мінскі музычны тэхнікум (1931, клас кампазіцыі М. Аладава). У 1932—1935 гг. вучыўся ў [[Беларуская кансерваторыя|Беларускай дзяржаўнай кансерваторыі]]. Удзельнік [[Вялікая Айчынная вайна|Вялікай Айчыннай вайны]]. У 1926—1931 гг. акцёр і хормайстар [[БДТ-3]], у 1931—1937 гг. кіраўнік самадзейных хораў. Адзін з арганізатараў і хормайстар ансамбля беларускай народнай песні і танца Беларускай дзяржаўнай філармоніі (1937–1941). У 1943–1944 гг. мастацкі кіраўнік Палескага абласнога ансамбля песні і танца, у 1944—1946 гг. начальнік аддзела мастацкай самадзейнасці Упраўлення па справах мастацтваў пры СНК БССР, з 1946 г. старшы рэдактар рэдакцыі музычнай літаратуры Белдзяржвыдавецтва.

 

 

Запісаў і апрацаваў больш за 500 беларускіх народных песень (у тым ліку «Ой ты, белая бярозанька», «Падушачка», «Чабарок», «Чаму зязюля не кукавала») і найгрышаў. Імя Н.Ф. Сакалоўскага прысвоена Гомельскаму каледжу мастацтваў.