Савет Еўропы: Розніца паміж версіямі
| [недагледжаная версія] | [недагледжаная версія] |
Змесціва выдалена Змесціва дададзена
дублікат ужо створанага артыкула, увесь змест у стары артыкул |
|||
Радок 1:
'''Савет Еўропы''' — найстарэйшая міжнародная палітычная арганізацыя на кантыненце. Галоўнымі мэтамі Савета Еўропы з'яўляюцца: абарона правоў чалавека, развіццё дэмакратыі і ўмацаванне вяршэнства права ва ўсіх краінах-сябрах Рады. Паўстанне арганізацыі датуецца 5 мая 1949 г., а колькасць яе сябраў на дадзены момант складае 47 краін "вялікай Еўропы" з агульным насельніцтвам 800 млн чалавек. Штаб-кватэра арганізацыі размешчаная ў г.Страсбург (Францыя).
Лейтматывам дзейнасці Савета Еўропы з'яўляецца імкненне гарантаваць пачуццё чалавечай годнасці прадстаўнікам усіх народаў, якія насяляюць Еўропу. Шлях да акрэсленых мэтаў, паводле падставовых каштоўнасцей арганізацыі, ляжыць праз агульныя намаганні яе сябраў: у галінах тэрарызму, арганізаванай злачыннасці, карупцыі, махлярства ў кіберпрасторы, кланавання і парушэнняў біяэтыкі, гвалту ў адносінах да дзяцей і жанчын, гандлю людзьмі.
Найбольш вартым стымулам у працы Савета Еўропы з'яўляюцца ўзгодненыя па выніках паседжанняў канвенцыі - дакументы, якія гарманізуюць "стракатае" заканадаўства краін-сябраў згодна са стандартамі Рады. Самым вядомым прыкладам такой канвенцыі лічыцца Еўрапейская Канвенцыя аб абароне Правоў Чалавека і асноўных свабод, у якой апісаныя тыя правы і свабоды, якія сябры Рады абавязаліся гарантаваць сваім грамадзянам. Паза гэтай канвенцыяй, падчас дзейнасці арганізацыі былі прыняты больш за 200 дакументаў такога тыпу, а апроч таго - пэўная колькасць рэзалюцый, рэкамендацый для асобных краін.
== Структура Савета Еўропы ==
=== Камітэт Міністраў ===
=== Парламенцкая Асамблея ===
Парламенцкая Асамблея Савета Еўропы (ПАРЕ) - своеасаблівы "мозг" арганізацыі, бо да яго абавязкаў належыць генераванне і абмеркаванне памыслаў, якія пазней стануць падставай палітык, абавязковых да выканання на ўзроўні краін. Такая значная роля ПАРЕ чыніць яе адным з двух галоўных статутных органаў Савета Еўропы, дзе прадстаўленыя інтарэсы асноўных палітычных партый, існых у дзяржавах-членах Арганізацыі. Такім чынам, у рамках Асамблеі адбываецца супрацоўніцтва прадстаўнікоў парламенцкіх структур 47 краін Еўропы, а ў перыяд ад 1989 г - і краін Цэнтральна-Усходняй Еўропы на правах «спецыяльна запрошаных» сябраў (ўдзел у пленарных пасяджэннях Асамблеі і ў працы яе камісій без права голасу).
==== Арганізацыя працы ПАРЕ ====
318 членаў Асамблеі і 318 іх намеснікаў выбіраюцца або прызначаюцца нацыянальнымі парламентамі з іх уласнага складу. Колькасць парламентарыяў ад кожнай краіны вагаецца ад 2 да 18 у залежнасці ад колькасці яе насельніцтва. Склад нацыянальных дэлегацый у Асамблеі павінен прапарцыйна адлюстроўваць усе асноўныя палітычныя сілы або групы, прысутныя ў нацыянальным парламенце.
У Асамблеі прадстаўленыя пяць палітычных груп: Група сацыялістаў (САЦ), Група Еўрапейскай народнай партыі / хрысціянскія дэмакраты (ЕНП / ХД), Група еўрапейскіх дэмакратаў (ГЕД), Альянс лібералаў і дэмакратаў у падтрымку Еўропы (АЛДЕ), а таксама Група аб'яднаных еўрапейскіх левых (АЕЛ). Некаторыя парламентарыі не належаць ні да адной з названых палітычных груп.
Чатыры разы ў год у зале пасяджэнняў Палаца Еўропы ў Страсбургу праходзяць тыднёвыя пленарныя пасяджэнні Парламенцкай асамблеі. Яны адкрытыя для публікі.
Старшыня Асамблеі абіраецца з ліку яе членаў, па традыцыі - на тры паслядоўных аднагадовых тэрміны. Старшыня і яго намеснікі (іх у цяперашні час 18), кіраўнікі пяці палітычных груп, а таксама старшыні Камісій ПАРЕ складаюць Бюро Асамблеі. Акрамя гэтага, Асамблея выбірае Генеральнага сакратара Савета Еўропы, яго намесніка, Генеральнага сакратара Парламенцкай Асамблеі, суддзяў Еўрапейскага суда па правах чалавека, а таксама Камісара па правах чалавека.
==== Камісіі ПАРЕ ====
* Пашыраная сумесная камісія
* Пастаянная камісія
* Камісія па палітычных пытаннях
* Камісія па юрыдычных пытаннях і правах чалавека
* Камісія па эканамічных пытаннях і развіццю
* Камісія па сацыяльных пытаннях, ахове здароўя і справах сям'і
* Камісія па міграцыі, бежанцах і насельніцтве
* Камісія па культуры, навуцы і адукацыі
* Камісія па навакольным асяроддзі, сельскай гаспадарцы, мясцовым і рэгіянальных пытаннях
* Камісія па роўнасці магчымасцей жанчын і мужчын
* Камісія па правілах працэдуры і імунітэтах
* Камісія па выкананні абавязацельстваў дзяржавамі-членамі Савета Еўропы (Камісія па маніторынгу)
==== Прадстаўніцтва дзяржаў-сябраў у ПАРЕ ====
Аўстрыя (6 ас.), Азербайджан (6 ас.), Албанія (4 ас.), Андора (2 ас.), Арменія (4 ас.), Бельгія (7 ас.), Балгарыя (6 ас.), Боснія і Герцагавіна (5 ас.), Венгрыя (7 ас.), Германія (18 ас.), Грэцыя (7 ас.), Грузія (7 ас.), Данія (5 ас.), Ірландыя (4 ас.), Ісландыя (3 ас.), Іспанія (12 ас.), Італія (18 ас.), Кіпр (3 ас.), Латвія (3 ас.), Літва (4 ас.), Ліхтэнштэйн (2 ас.), Люксембург (3 ас.), «былая Югаслаўская Рэспубліка Македонія» (3 ас.), Мальта (3 ас.), Малдова (5 ас.), Манака (2 ас.), Нідэрланды (7 ас.), Нарвегія (5 ас.), Польшча (12 ас.), Партугалія (7 ас.), Расія (18 ас.), Румынія (10 ас.), Сан-Марына (2 ас.), Сербія (7 ас.), Славакія (5 ас.), Славенія (3 ас.), Злучанае Каралеўства (18 ас.), Турцыя (12 ас.), Украіна (12 ас.), Фінляндыя (5 ас.), Францыя (18 ас.), Харватыя (5 ас.), Чарнагорыя (3 ас.), Чэхія (7 ас.), Швейцарыя (6 ас.), Швецыя (6 ас.), Эстонія (3 ас.).
Статус назіральніка ў Парламенцкай асамблеі маюць парламенты Канады, Ізраіля і Мексікі.
Дзеянне статусу "спецыяльна запрошанага" для Беларусі было прыпынена 13 студзеня 1997 года.
=== Кангрэс Мясцовых і Рэгіянальных Уладаў ===
=== Еўрапейскі Суд па правах чалавека ===
Міжнародны судовы орган, юрысдыкцыя якога распаўсюджваецца на ўсе дзяржавы-члены Савета Еўропы, якія ратыфікавалі [[Еўрапейская Канвенцыя аб абароне Правоў Чалавека і асноўных свабод|Еўрапейскую Канвенцыю аб абароне Правоў Чалавека і асноўных свабод]], і вырашае ўсе пытанні, якія паўстаюць пры тлумачэнні і прымяненні Канвенцыі, у тым ліку - міждзяржаўныя справы і скаргі прыватных асоб.
Больш інфармацыі - [[Еўрапейскі суд па правах чалавека|тут]].
=== Камісар па правах чалавека ===
Бюро Камісара па правах чалавека - гэта незалежная структура ў складзе Савета Еўропы. Камісар адказвае за інфармаванасць насельніцтва ў справе прынцыпаў правоў чалавека і за павагу гэтых прынцыпаў з боку дзяржаў, якія ўваходзяць у Раду Еўропы. Камісар выконвае пераважна «прафілактычныя» функцыі і гэтым кардынальна адрозніваецца ад Еўрапейскага суда па правах чалавека.
З 1 красавіка 2012 года пост Камісара па правах чалавека займае Нілс Муйжніекс (Латвія). Да яго гэту пасаду займалі Томас Хамарберг (2006-2012 гг.) і Альвара Хіль-Раблес (1999-2006 гг.).
=== Канферэнцыя МНА ===
Канферэнцыя міжнародных няўрадавых арганізацый аб'ядноўвае больш за 400 МНА. Яна з'яўляецца адзіным форумам для прадстаўнікоў гэтых арганізацый і забяспечвае ўстойлівую сувязь паміж палітыкамі і грамадзянскай супольнасцю. Досвед і экспертная веда міжнародных няўрадавых арганізацый узбагачаюць працу іншых органаў Савета Еўропы і дазваляюць палітыкам трымаць руку на пульсе праблем еўрапейскага грамадства.
=== Генеральны сакратар ===
== Спасылкі ==
[http://hub.coe.int/web/coe-portal Council of Europe]
[http://humanrightscomment.org/2013/02/12/belarusian-human-rights-defenders-need-support/ Belarusian Human Rights Defenders Need Support - Дзеннік Камісара па правах чалавека]
| |||