'''Егі́пецкая мо́ва''' — мова жыхароў [[Старажытны Егіпет|Старажытнага Егіпта]]. На цяперашні час лічыцца [[мёртвая мова|мёртвай]]. Асобнае адгалінаванне [[афразійскія мовы|афразійскай моўнай сям'і]]. У рамках гэтай сям'і, паводле меркавання адных навукоцаўнавукоўцаў, найбольш блізкая да [[Семіцкія мовы|семіцкіх]], паводле меркавання іншых — да [[чадскія мовы|чадскіх]] моў<ref>Языки Азии и Африки. Т.4. Афразийские языки. Кн.1—2. М., Наука. 1991—1993.</ref>. Адна з самых старажытных вядомых на наш час моў, абслугоўвалася адной з першых [[егіпецкае пісьмо|сістэм пісьма]] ў гісторыі чалавецтва — вядомы помнікі з канца [[4 тысячагоддзе да н.э.|4-га тыс. да н.э.]] і па [[V стагоддзе|V стагоддзе н.э.]] Апошняя ступень егіпецкай мовы — [[копцкая мова]], якая праіснавала да [[XVII|XVII стагоддзя]] (як [[мова набажэнства]] ў [[Копцкая праваслаўная царква|копцкай праваслаўнай царкве]] ўжываецца і дагэтуль). Навуковая дысцыпліна, якая вывучае егіпецкую мову, называецца ''мовазнаўчая [[егіпталогія]]''.
