Капліца

Каплі́ца, капэ́ла (ад познелац.: capella, cappella памяншальнае ад познелац.: сарра (capa) капа, від убору каталіцкіх святароў, першапачаткова — плашч-накідка) — хрысціянская культавая пабудова, прызначаная для рэлігійных набажэнстваў і малітваў. Можа быць як асобным будынкам, так і часткай больш значнага комплекса. Да Рэфармацыі капліца ўяўляла сабою месца для набажэнстваў, якое было дапаможным або належыла нейкай асобе ці арганізацыі.

Капліцы ў Вавелі

Ва ўсходняй хрысціянскай традыцыі капліца ўяўляе сабой невялічкую царкву (часта без алтара) або нават просты слуп з абразом.

У заходняй традыцыі хрысціянства, а таксама ў грэка-каталікоў капліца нярэдка ўяўляе сабой паўнавартасны храм (з алтаром) і магчымасцю рэлігійных службаў у ім.

Гл. таксама

• Царква
• Касцёл

Спасылкі

• На Вікісховішчы ёсць медыяфайлы па тэме Капліца