Георг V (кароль Гановера)

Георг V (ням.: Georg V.; 27 мая 1819, Берлін — 12 чэрвеня 1878, Парыж) — пяты і апошні кіруючы кароль Гановера з 1851 па 1866 гады. Член брытанскай каралеўскай сям'і, сын Эрнста Аўгуста, герцага Камберлендскага, унук Георга III і стрыечны брат каралевы Вікторыі.

Георг V Гановерскі
ням.: Georg V.
5-ы кароль Гановера 18 лістапада 1851 — 20 верасня 1866
Папярэднік	Эрнст Аўгуст I
Пераемнік	ліквідацыя дзяржавы
Нараджэнне	27 мая 1819(1819-05-27) Берлін, Прусія
Смерць	12 чэрвеня 1878(1878-06-12) (59 гадоў) Парыж, Францыя
Месца пахавання	Капліца Святога Георга[d]
Род	Гановерская
Бацька	Эрнст Аўгуст I
Маці	Фрыдэрыка Мекленбург-Стрэліцкая
Жонка	Марыя Саксен-Альтэнбургская
Дзеці	Эрнст Аўгуст II Гановерскі Фрыдэрыка Гановерская Марыя Гановерская
Дзейнасць	палітык, кампазітар
Навуковая дзейнасць
Навуковая сфера	кіраванне і музыка
Аўтограф
Манаграма
Узнагароды
Медыяфайлы на Вікісховішчы

Біяграфія

Нарадзіўся ў Берліне, атрымаў нямецкае выхаванне, дзяцінства яго прайшло ў Прусіі і Лондане. У 1833 годзе 14-гадовы прынц цалкам аслеп. Кавалер ордэна Падвязкі, дараванага яму дзядзькам Вільгельмам IV (1835). Пасля ўзыходжання яго бацькі на гановерскі прастол і скасавання асабістай уніі з Вялікабрытаніяй у 1837 годзе, нягледзячы на слепату, быў абвешчаны спадчыннікам прастола, хоць першапачаткова збіраўся адмовіцца ад яго. Пасля скону бацькі ў 1851 годзе стаў каралём Гановера і атрымаў у спадчыну таксама брытанскія тытулы (герцаг Камберлендскі і Тэвіятдэйлскі, граф Армаг у Ірландыі).

Адсутнасць зроку не замінала каралю весткі даволі актыўную палітыку, канфліктаваць з ландтагам, спрыяць развіццю прамысловасці. Ён заснаваў сталеліцейныя заводы, якія носяць імя Георга і яго жонкі Марыі, вакол іх вырас аднайменны горад (Георгсмарыенхютэ).

Падчас Аўстра-прускай вайны 1866 года прыняў бок Аўстрыі. Пруская армія акупавала Гановер, і неўзабаве ён быў анексаваны Прусіяй, а кароль зрынуты. Георг не прызнаў гэтага рашэння і эміграваў у Аўстрыю, а затым у Францыю. Памёр у Парыжы, пахаваны ў Вялікабрытаніі ў Віндзорскім палацы.

Сям'я

З 1843 года быў жанаты на Марыі Саксен-Альтэнбургскай (1818—1907). Дзеці:

• Эрнст Аўгуст II (1845—1923), прынц Гановерскі і герцаг Камберлендскі
• Фрыдэрыка (1848—1926),
• Марыя (1849—1904).

Прамая лінія гановерскіх прынцаў існуе да цяперашняга часу.

Спасылкі

• Георг V // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
• Біяграфія (англ.)