Кірыл Генік: Розніца паміж версіямі
Новая старонка: 'thumb|upright| Кірыл Генік (1857-1925) Кірыл Генік (1857 - 12 лютага 1925 года), украінска-кан...' |
(Няма розніцы)
|
Версія ад 21:04, 9 верасня 2013
Кірыл Генік (1857 - 12 лютага 1925 года), украінска-канадскі эміграцыйны дзеяч, асоба нацыянальнай гістарычнай значнасці.
Біяграфія
Кірыл Генік нарадзіўся ў 1857 годзе ў сяле Ніжні Бярозаў ў Галіччыне ў сям'і Івана Геніка, сельскага старасты, і Ганны Перцович. Генік атрымаў пачатковую адукацыю ў Каламыі, а затым з'ехаў у Станіслаў (цяпер Івана-Франкоўск), дзе атрымаў сваю педагагічную адукацыю. Ступень бакалаўра атрымаў ў Львове і ў 1879 годзе быў прызначаны настаўнікам ў раёне горада Надворная. У 1882 годзе Генік вярнуўся ў сваё роднае сяло і там адкрыў школу. У 1880-х гадах Генік заснаваў ..... прадпрыемства і вытворчы кааператыў, які назваў Карпацкай крамай. У 1890 годзе абраны ў гарадскі савет у Каломыі, горадзе, дзе пачынаў вучобу. [1]
Пазней Генік пазнаёміўся з Восіпам Олеськовим чалавекам, які заахвочваў эміграцыю украінцаў у Канаду. Олеська папрасіў Геніка суправаджаць групу ўкраінцаў у Канаду і дапамагчы ім там пасяліцца. Генік з жонкай і чатырма дзецьмі далучыўся да групы з 64 украінцаў і прыбыў у Квебек 22 чэрвеня 1896 года. Першапачаткова група спынілася ў Вініпегу, а адтуль скіравалася на пасяленне ўглыб правінцыі Манітоба і заснавала пасяленне, што стала вядомым як Сцюартбёрн і сёння лічыцца першай украінскай суполкай у Заходняй Канадзе. У жніўні Генік падаў заяву на атрыманне гомстэда (фермерскага ўчастка) у Сцюартбёрне, але хутка перадумаў і перасяліўся ў Вініпег. У тым жа месяцы Олеська парэкамендаваў Геніка Міністэрству ўнутраных спраў Канады на пасаду эміграцыйнага агента. У верасні Генік стаў супрацоўнікам міністэрства і выконваў пераклады. У сваёй працы эміграцыйнага агента Генік сустракаў новых украінскіх эмігрантаў у Квебеку, заахвочваў іх карыстацца англійскай мовай, адмовіцца ад традыцыйных звычаяў і, калі патрабавалася, граў ролю дарадцы. [1] У сувязі з ростам эміграцыі ўкраінцаў ў Канаду яго праца павялічылася да той ступені, што ў 1898 годзе Генік быў прыняты працаваць ва ўрадзе Канады на ўмовах поўнай занятасці, прычым ён стаў першым украінцам- канадскім дзяржаўным служачым на пастаяннай аснове. [2]
У 1899 годзе Генік заснаваў чытальную залу імя Тараса Шаўчэнкі[3] ў сваім доме і першую ўкраінскамоўную газету ў Канадзе “Канадскі Фармер” ў 1903 годзе. Хаця Генік не быў рэлігійным, ён верыў, што хрысціянства павінна існаваць незалежна ад грэка-праваслаўных і руска-праваслаўных нормаў. У 1903-1904 гг. у супрацоўніцтве з прэсвітарыянскімі пастарамі ён заснаваў “НезалежнуюПраваслаўную Царкву ".[4] У 1911 годзе пасля таго, як любімая ліберальная партыя Геніка прайграла выбары, ён страціў працу і скончыў сваё жыццё на грамадскай працы. Ён жыў некаторы час у Злучаных Штатах Амерыкі, але пазней вярнуўся ў Вініпег, дзе памёр 12 лютага 1925 года. [1]
На момант смерці Генік быў настолькі папулярным, што ва ўкраінскай суполцы Канады ён стаў вядомым як "Цар Канады".[2][5]
Cпасылкі
- ↑ а б в Hryniuk, Stella. Cyril Genik. Dictionary of Canadian Biography. Праверана January 25, 2011.
- ↑ а б Forging Our Legacy: Canadian Citizenship and Immigration, 1900–1977. Citizenship and Immigration Canada (2000). Праверана January 25, 2011.
- ↑ Martynowych, Orest T., The Taras Shevchenko Reading Club/Educational Society For ... umanitoba.ca/faculties/.../04_The_Taras_Shevchenko_Reading_Club.pdf -
- ↑ Martynowych, Orest T., The Seraphimite, Independent Greek, Presbyterian and United Churches, umanitoba.ca/...canadian.../05_The_Seraphimite_Independent_Greek_Presbyterian_and_United_Churches.pdf -
- ↑ Family of C. C. T. (Con) Genik. Obituary for C. C. T. (Con) Genik. Passages MB (2010). Праверана January 25, 2011.
Бібліяграфія
- Dictionary of Ukrainian Canadian biography, pioneer settlers of Manitoba, 1891–1900, V. J. Kaye, editor and compiler (Toronto, 1975).
- Oleksander Dombrovsky, Outline of the history of the Ukrainian Evangelical-Reformed movement (New York et Toronto, 1979) [text in Ukrainian].
- A heritage in transition : essays in the history of Ukrainians in Canada, M. R. Lupul, editor (Toronto, 1982).
- J.-P. Himka, Galician villagers and the Ukrainian national movement in the nineteenth century (New York, 1988).
- V. J. Kaye, Early Ukrainian settlements in Canada, 1895–1900 Dr. Josef Oleskow's role in the settlement of the Canadian northwest (Toronto, 1964).
- O.T. Martynowych, The Seraphimite, Independent Greek, Presbyterian and United Churches, umanitoba.ca/...canadian.../05_The_Seraphimite_Independent_Greek_Presbyterian_and_United_Churches.pdf -
- O.T. Martynowych, The Taras Shevchenko Reading Club/Educational Society for ...umanitoba.ca/faculties/.../04_The_Taras_Shevchenko_Reading_Club.pdf –
- O. T. Martynowych, Ukrainians in Canada : the formative period, 1891–1924 (Edmonton, 1991).
- M. H. Marunchak, Studies in the history of Ukrainians in Canada (5 vol. published, Winnipeg, 1964– ) [text in Ukrainian].
- O. I. Sych, From the « new land » letters of Ukrainian emigrants from Canada (Edmonton, 1991) [text in Ukrainian].