Касцёл уяўляе сабой [[неф|трохнефавую]] [[купальная базіліка|купальную базіліку]] з [[трансепт]]ам, памерам у плане 30х60 м і вышынёй звыш5065 м<ref>http://www.nest.by/news/2014-01-14/pochemu-na-farnyi-kostel-ne-vernuli-angela</ref>. У сярэдзіне [[XVIII ст.]] былі перабудаваны вежы і [[ліхтар, архітэктура|ліхтар]] над цэнтральным купалам. Вежы набылі складаныя барочныя формы. Таксама ў стылі барока была зменена і архітэктура [[фасад]]а ў цэлым – трох'ярусны двухвежавы фасад падзелены гарызантальнымі паясамі [[антаблемент]]аў і [[карніз]]аў, а па вертыкалі двайнымі [[пілястра]]мі складанага профілю. Фасад акрамя таго быў аздаблены прамавугольнымі і арачнымі [[ніша]]мі і [[праём]]амі са [[скульптура]]й. З боку паўкруглай апсіды прыбудаваны дзве [[капліца|капліцы]], завершаныя сферычнымі купаламі. У строгіх формах ранняга барока былі вырашаны бакавыя фасады: раскрапаваны двайнымі пілястрамі, тонкімі карнізнымі паясамі, прарэзаны вялікімі лучковымі і арачнымі аконнымі праёмамі. З кантракта на перабудову вядома, што купалы касцёла і раней былі абшыты бляхай.
