Канстытуцыя Ірландыі

Канстытуцыя Ірландыі — правая аснова Рэспублікі Ірландыя, была прынятая 29 снежня 1937. Базуецца на ліберальна-дэмакратычных прынцыпах. Унясенне змен магчыма толькі праз рэферэндум.

Эйман дэ Валера — распрацоўшчык канстытуцыі

Гісторыя стварэння

У снежні 1921 года быў падпісаны англа-ірландскі дагавор, у выніку якога 26 графстваў, размешчаных на тэрыторыі вострава Ірландыя больш не падпарадкоўваліся брытанскаму парламенту і ўтварылі вольную Ірландскую дзяржаву са статусам дамініёна. Пры гэтым 6 графстваў засталіся ў складзе брытанскай дзяржавы. У 1922 годзе была прынятая Канстытуцыя Ірландскай Свабоднай Дзяржавы.

Аднак, Канстытуцыя, якая пацвердзіла незалежнасць Ірландыі ад Вялікабрытаніі, была прынята на рэферэндуме толькі ў канцы 1937 года. Апошнія канстытуцыйныя сувязі паміж дзяржавамі разарваныя ў 1948 годзе, пасля прыняцця Закона аб Ірландскай Рэспубліцы (хоць ён не змяняў канстытуцыю). Пазней да яе былі прынятыя 23 папраўкі, апошнія з якіх адносяцца да 2009 года.