В.Вінцэнт Дунін-Марцінкевіч нарадзіўся ў 1808 годзе ў фальварку Панюшкавічы Бабруйскага павета ў сям'і [[шляхта|шляхціца]]-арандатара (дакладная дата нараджэння высветлена параўнаўча нядаўна<ref>Пачынальнікі: 3 гісторыка-літаратурных матэрыялаў [[XIX стагоддзе|XIX ст.]] / Уклад. Г. В. Кісялёў. Мн., 1977. С. 118.</ref>). Скончыў [[Бабруйскае павятовае вучылішча]] (1824). [[С. Богуш-Сестранцэвіч]], знаходзячыся на пасадзе мітрапаліта ўсіх рымска-каталіцкіх касцёлаў Расійскай імперыі, узяў пляменніка ў [[Пецярбург]], дзе падлетак Вінцэнт жыў у сярэдзіне 1820-х гадоў.
Вучыўся ў [[Пецярбургскі ўніверсітэт|Пецярбургскім універсітэце]] (па іншых звестках — у [[Віленскі ўніверсітэт|Віленскам універсітэте]]) на медыцынскім факультэце, але не мог прызвычаіцца да анатаміравання і пакінуў вучобу.
