'''Кардынал''' ({{lang-la|Cardinalis}}, ад {{lang|-la|cardo}} — галоўная акалічнасць, стрыжань) — вышэйшая (пасля Папы) духоўная асоба [[Каталіцызм|Каталіцкай царквы]], якае належыць да любой з трох ступеняў святарства. Па-лацінску: ''Cardinalis sanctæ romanæ Ecclesiæ'' ('''Кардынал Свяшчэннай Рымскай Царквы'''). У адпаведнасці з [[Кодэкс Кананічнага Права|Кодэксам Кананічнага Права]] [[1983]] у функцыі кардыналаў уваходзіць абранне [[Папа Рымскі|Папы Рымскага]] на [[канклаў|канклаве]] і дапамога ў кіраўніцтве [[Рымска-каталіцкая царква|Рымска-каталіцкай царквы]], якую яны аказваюць калегіяльна, выконваючы дарадчыя функцыі пры Папе Рымскім падчас [[кансісторыя, каталіцызм|кансісторый]], і індывідуальна, узначальваючы ведамствы і іншыя пастаянныя службы [[Рымская курыя|Рымскай курыі]] і [[Ватыкан|дзяржавы-граду Ватыкан]]. У сукупнасці кардыналы складаюць [[Калегія кардыналаў|Свяшчэнную калегію кардыналаў]] (хоць тэрмін ''Свяшчэнная'' скасаваны ў [[1983]], яе часам так завуць), узначаленую [[Дэкан калегіі кардыналаў|дэканам]].
