'''McDonald's Corporation''' (у Беларусі — '''Макдо́нальдсМак-До́нальдс''') — [[ЗША|амерыканская]] карпарацыя, да [[2010]] года найбуйнейшая ў свеце сетка [[рэстаран]]аў хуткага харчавання. Па выніках 2010 года кампанія займае 2-е месца па колькасці рэстаранаў ва ўсім свеце пасля рэстараннай сеткі Subway. Уваходзіць у спіс Fortune Global 500 2011 года (403-е месца). Штаб-кватэра кампаніі размешчана ў Оўк-Брук — прыгарадзе [[Чыкага]], [[ЗША]].
== Гісторыя ==
Кампанія заснавана ў [[1940]] годзе братамі Дзікам і Макам МакдоналдамМак-Доналдам (першы рэстаран адкрыўся ў Сан-Бернардзіна, [[штат Каліфорнія]]), у 1948 годзе ўпершыню ў свеце сфармулявала прынцыпы канцэпцыі «хуткага харчавання». У 1954 годзе Рэй Крок набыў у братоў МакдоналдаўМак-Доналдаў права выступаць у якасці эксклюзіўнага агента па франчайзінгу. У 1955 годзе ён адкрыў свой першы McDonald's у мястэчку Дэс-Плейнз, [[штат Ілінойс]] (у цяперашні час — музей карпарацыі). У 1955 годзе Крокам была зарэгістравана кампанія McDonald's System, Inc (у 1960 годзе перайменаваная ў McDonald's Corporation). У 1961 годзе ўсе правы на кампанію былі цалкам выкупленыя Крокам.
