|
Калі ў 1926 годзе адбыўся першы выпуск Беларускага дзяржаўнага мастацкага тэхнікума, у складзе якога было пяць жывапісцаў і два скульптары, мала хто меркаваў, што з гэтага часу навучальная ўстанова ператворыцца ў кузню мастацкіх кадраў [[Беларусь|Беларусі]].
Вучні і выкладчыкі тэхнікума ўдзельнічалі ў шэрагу выстаў у Маскве, [[Ленінград]]зе, [[Мінск]]у. Напрыклад, экспанаваліся працытворы на 1-й Усебеларускай мастацкай выставе, на якой быў асобны раздзел «Творы вучняў Віцебскага мастацкага тэхнікума». Педагогі і вучні ўдзельнічалі таксама ў стварэнні праекта Дзяржаўнага Герба БССР (быў зацверджаны праект Герба БССР, распрацаваны настаўнікам тэхнікума В. Волкавым), у афармленні г. Віцебска да святаў, у рабоцедзейнасці Віцебскага краязнаўчага таварыства, у складанні экспазіцыі музея пры тэхнікуме. Найбольш здольныя выпускнікі тэхнікума накіроўваліся для паглыблення прафесійных ведаў у вышэйшыя мастацкія навучальныя ўстановы краіны, а з 1933 г. — ва Усерасійскую Акадэмію Мастацтваў у Ленінградзе. Сярод выпускнікоў навучальнай установы былі народны мастак СССР [[Заір Азгур|3. Азгур]]; народныя мастакі БССР [[Андрэй Ануфрыевіч Бембель|А. Бембель]], [[Аляксей Канстанцінавіч Глебаў|А. Глебаў]], [[Яўген Аляксеевіч Зайцаў|Я. Зайцаў]], Я. Мікалаеў, [[Сяргей Іванавіч Селіханаў|С. Селіханаў]], [[Віталь Канстанцінавіч Цвірка|В. Цвірка]]; заслужаныя дзеячы мастацтваў БССР [[Адольф Самойлавіч Гугель|А. Гугель]], [[Лазар Саулавіч Ран|Лазар Ран]], К. Касмачоў, Р.Раіса Кудрэвіч, [[Натан Майсеевіч Воранаў|Н. Воранаў]], [[Павел Васілевіч Масленікаў|П. Масленікаў]] і іншыя.
У 1939 г.годзе Беларускі дзяржаўны мастацкі тэхнікум быў рэарганізаваны ў Віцебскае мастацкае вучылішча НКА БССР. Тэрмін навучання ў вучылішчы павялічыўся да пяці гадоў; дзейнічала мастацка-педагагічнае аддзяленне са спецыялізацыямі: [[жывапіс]], [[скульптура]] і [[Графіка, мастацтва|графіка]], а таксама мастацка-графічнае і клубна-афарміцельскае.
Дзейнасць Віцебскага мастацкага вучылішча ў чэрвені 1941 г. была прыпынена ў сувязі з акупацыяй Віцебска нямецка-фашысцкімі захопнікамі.
Інфармацыі пра тое, што пасля [[Вялікая Айчынная вайна|Вялікай Айчыннай вайны]] праца вучылішча была адноўлена, у дакументах Дзяржархіва Віцебскай вобласці не выяўлена. У «Звестках пра сярэднія спецыяльныя навучальныя ўстановы вобласці па стане на 1 красавіка 1946 г.», якія захоўваюцца ў фондзе Віцебскага абкама КПБ, значыцца Мастацкі тэхнікум, арганізаваны ў 1923 г. Але ў графе «Колькасць навучэнцаў на 1946 г.год» стаіць прочырк.
== Літаратура ==
|
