Надвор’е: Розніца паміж версіямі

Звычайныя прыродныя з'явы на [[Планета Зямля|Зямлі]] — [[вецер]], [[воблакі]], [[атмасферныя ападкі]] ([[дождж]], [[снег]] і г. д.), [[туман]] і [[навальніца]], [[пылавая бура]] і [[мяцеліца|завеі]]. Рэдкія з'явы ўключаюць у сябе [[стыхійнае бедства|стыхійныя бедствы]], як то [[тарнада]] і [[ураган|ўраганы]]. Амаль усе прыродныя з'явы адбываюцца ў [[трапасфера|трапасферы]] (ніжняя частка [[атмасфера|атмасферы]]).

Адрозненні ў фізічных уласцівасцях [[паветраная маса|паветраных мас]] узнікаюць з-за змены [[вугал падзення|вугла падзення]] сонечных прамянёў у залежнасці ад [[шырата|шыраты]] і аддаленасці [[рэгіён]]а ад [[акіян]]аў. Вялікае адрозненне [[тэмпература|тэмператур]] паміж [[Арктыка|арктычным]] і [[тропікі|трапічным]] паветрам з'яўляецца чыннікам наяўнасці вышынных струйных плыняў. Барычныя стварэнні ў сярэдніх шыротах, як то пазатрапічныя [[цыклон]]ы, утвараюцца пры развіцці хваляў у зоне высотнай струменевай плыні. Паколькі [[вось Зямлі]] нахіленая адносна плоскасці сваёй [[арбіта|арбіты]], [[вугал падзення]] сонечных прамянёў залежыць ад [[час года|часу года]]. У сярэднім штогадовая [[тэмпература]] на паверхні Зямлі змяняецца ў межах ± 40  °C. На працягу сотняў тысяч гадоў змена [[арбіта|арбіты]] Зямлі ўплывае на колькасць і размеркаванне [[сонечная энергія|сонечнай энергіі]] на [[планета|планеце]], вызначаючы доўгатэрміновы [[клімат]].

Розніца тэмператураў на паверхні ў сваю чаргу выклікае рознасць у полі [[атмасферны ціск|атмасфернага ціску]]. Гарачая паверхня награвае [[паветра]], якое знаходзіцца над ёй, пашырае яго, зніжаючы [[ціск]] і [[шчыльнасць]] [[паветра]]. Атрыманы гарызантальны [[градыент]] [[ціск]]у паскарае [[паветра]] ў бок нізкага ціску, ствараючы [[вецер]]. А ў выніку працы [[Сіла Карыёліса|эфекту Карыёліса]] пры кручэнні [[Планета Зямля|Зямлі]] адбываецца закручванне патоку. Прыкладам простай сістэмы з'яўляюцца прыбярэжныя [[брыз]]ы, а складанай — вочка [[Джордж Гедлі|Гедлі]].

[[Атмасфера]] з'яўляецца складанай сістэмай, таму малаважныя змены ў адной яе часткі могуць мець вялікі ўплыў на сістэму ў цэлым. У гісторыі [[чалавецтва]] заўсёды былі спробы кіраваць надвор'ем. Даказана, што дзейнасць людзей, як то [[сельская гаспадарка]] і [[прамысловасць]], можа ў некаторых межах уплываць на надвор'е. Прагноз надвор'я — навукова і тэхнічна абгрунтаванае меркаванне аб будучым стане [[атмасфера|атмасферы]] ў пэўнай кропцы ці рэгіёне [[Планета Зямля|зямнога шара]].