Гайдэльбергскі ўніверсітэт: Розніца паміж версіямі

'''Гейдэльбергскі ўніверсітэт імя Рупрэхта і Карла''', таксама '''Гайдэльбергскі ўніверсітэт'''<ref name=pr>Магчымыя варыянты напісання '''Гейдэльбергскі ўніверсітэт''' і '''Гайдэльбергскі ўніверсітэт''' у адпаведнасці з БЭ ў 18 тамах. Т.5., Мн., 1997, С.133., Т.4. Мн., 1997, С.439</ref> ({{lang-de|Ruprecht-Karls-Universität Heidelberg}}) — найстарэйшы і адзін з найбольш прэстыжных [[універсітэт]]аў на тэрыторыі сучаснай [[Германія|Германіі]]. Заснаваны ў [[1386]] годзе.

Ён быў заснаваны курфюрстам Рупрэхтам I з дазвалення рымскага папы [[Урбан VI, Папа Рымскі|Урбана VI]] ў 1386 годзе, каб даць яго разрозненым валадарствам, Пфальцу на Рэйне, цэнтр духоўнага жыцця, прыцягнуць замежнікаў і выхоўваць царкоўных дзеячаў і дзяржаўных чыноўнікаў ва ўласнай краіне. Падаплёкай утварэння універсітэта стаў Вялікі заходні раскол каталіцкай царквы: выпускнікі [[Сарбона|Сарбоны]], якія падпарадкоўваліся Авіньёнскаму папе [[Клімент VII, Папа Рымскі|Кліменту VII]], не маглі служыць у цэрквах Пфальца, што кіраваліся папам рымскім, таму ўзнікла патрэбнасць ва ўласнай тэалагічнай адукацыі. Першыя прафесары ў [[Гейдэльберг]] прыехалі з [[Парыж]]а і [[Прага|Прагі]]. Рэктарам-заснавальнікам універсітэта стаў [[Марсілій Інгенскі]], прыхільнік наміналізма; наміналізм доўгі час выкладаўся ва ўніверсітэце ў выключным парадку.

На момант заснаванне ён стаў чацвёртым па старшынстве пасля [[Балонскі ўніверсітэт|Балонскага]], [[Пражскі ўніверсітэт|Пражскага]] і [[Венскі ўніверсітэт|Венскага універсітэтаў]] на тэрыторыі Святой Рымскай імперыі і першым універсітэтам на тэрыторыі сучаснай Германіі.

Устаноўчыя граматы датаваныя 1 кастрычнікам 1386 г. 18 кастрычніка таго ж года адбылася царкоўная імша, якая адкрыла сцены універсітэта, а на наступны дзень пачаліся заняткі. У той жа дзень была атрымана і срэбная універсітэцкая пячатка, адбітак якой з'яўляецца лагатыпам універсітэта.