Корка: Розніца паміж версіямі

'''Корка''', або '''рытыдом''' ({{lang-la|rhytidoma}}) — вонкавая частка [[Кара, біялогія|кары]] шматгадовых [[Парастак|парасткаў]] і [[Корань|каранёў]], складаецца са змярцвелых участкаў [[Першасная кара|першаснай кары]] і другаснай [[Флаэма|флаэмы]]. Гэтыя дзве тканкі аддзелены [[перыдэрма]]мі, ўтворанымі неаднаразова закладзенымі [[фелаген]]амі {{sfn|Лотова, Нилова, Рудько|2007|с=40}}. Перыферычныя пласты коркі ападаюць, і стары пласт фелагена адмірае. Замест яго далей ад цэнтра закладваецца новы пласт, і, такім чынам, фарміруецца некалькі перыдэрмаў{{sfn|Лотова|2010|с=72}}. Адміранне [[Тканка|тканак]], якія размяшчаюцца паміж перыдэрмамі, абумоўлена газа- і воданепранікальнасцю [[Корак|корку]], які уваходзіць у перыдэрму{{sfn|Лотова|2010|з=72}}.

Асабліва магутная корка развіваецца на старых ствалах і каранях [[Дрэва|дрэў]]. У [[хмызняк]]оў шмат корка не ўтвараецца, з прычыны таго, што яна звычайна хутка скідаецца. У некаторых [[дравяністыя расліны|дравяністых раслін]] (напрыклад, у [[бук]]а) коркі няма<ref name="Slov">{{спасылка|url=http://botanical_dictionary.academic.ru/7227/%D0%A0%D0%98%D0%A2%D0%98%D0%94%D0%9E%D0%9C|title=Биологический энциклопедический словарь: ''корка''}}</ref>.

Частата скідання корка, як і ўзрост першага яе аддзялення, вар'іруюць у розных раслін. У вінаграда і [[Сунічнае дрэва|сунічнага дрэва]] корка ападае штогод, іншыя расліны змяняюць яе паступова{{sfn|Лотова, Нилова, Рудько|2007|з=40}}. У вінаграда корка аддзяляецца ўжо ў першы год жыцця парасткаў, у [[Яблыня|яблыні]], [[Груша|грушы]] — на 6—8-м годзе, у [[Ліпа|ліпы]] — на 10—12-м, у дуба — на 25—30-м, у [[Піхта|піхты]], [[граб]]а — ва ўзросце 50 гадоў і болей<ref name="Slov" />.