Малая падарожная кніжка: Розніца паміж версіямі

'''«Малая падарожная кніжка»''' — зборнік выданы [[Францыск Скарына|Францыскам Скарынам]], мусіў служыць людзям, што па роду сваёй дзейнасці шмат часу праводзілі ў дарозе гэта абумовіла назву і склад, а таксама яго выдавецкі фармат у 1/12 [[аркуш]]а. У склад зборніка, як сведчыць яго падрабязны змест, Ф. Скарына ў парадку чарговасці планаваў ўключыць: «[[Псалтыр]]», [[Часасловец|«Часасловец»]], 8 [[акафіст]]аў і 10 [[канон, песнапенне|канонаў]], «[[Шасцідневец]]», Саборнік (уключае сціслыя «[[Святцы]]» і «[[Пасхалія|Пасхалію]]» са звесткамі з астраноміі і грамадзянскага календара, пасляслоўе). Невядома, ці былі ўсе запланаваныя часткі зборніка аб'яднаныя самім выдаўцом у адзіную кнігу і ці быў надрукаваны Скарынам агульны да ўсяго выдання тытульны аркуш з загалоўкам «Малая падарожная кніжка». Слядоў такога тытульнага аркуша не захавалася. Назва зборніка, якая ўжо даўно і трывала ўвайшла ў навуковы ўжытак, аўтарская — так азагаловіў яго сам першадрукар у прыведзеным ім пасля «Пасхаліі» падрабязным змесце. Не ўсе часткі «Малой падарожнай кніжкі» аднолькава зберагліся.<ref name="СкТв174-175">Скарына Ф.: Творы... С. 174—175.</ref>

 

*{{крыніцы/СкарынаТв|174—175, 179—180}}

 

[[Катэгорыя:Францыск Скарына]]