Сергуч: Розніца паміж версіямі

Даўжыня ракі 47 кіламетраў. Плошча [[вадазбор]]у 238 км². Сярэдні [[Ухіл ракі|нахіл воднай паверхні]] 0,2 м/км. Пачынаецца з [[возера]] [[Возера Тэкліц|Тэкліц]], працякае праз азёры [[Возера Вольшыца|Вольшыца]], [[Возера Плаўна|Плаўна]] і [[Возера Манец|Манец]]; частка сцёку трапляе ў [[Бярэзінскі канал]] (басейн [[Рака Заходняя Дзвіна|Заходняй Дзвіны]]); ніжэй возера Манец цячэ пад назвай Бузянка. [[Пратока]]й злучана з возерам [[Возера Домжарыцкае|Домжарыцкае]], ніжэй вёскі Домжарыцы асноўны сцёк ідзе па [[Сегуцкі канал|Сергуцкім канале]]. [[Вусце]] за 4 кіламетры на поўдзень ад вёскі [[Крайцы]]. Рака працякае па [[Верхнебярэзінская нізіна|Верхнебярэзінскай нізіне]], амаль цалкам у межах [[Бярэзінскі біясферны запаведнік|Бярэзінскага біясфернага запаведніка]]. [[Даліна]] невыразная, каля [[выток]]у трапецападобная, шырынёй 0,5—1 км. [[Пойма]] двухбаковая, у вытокавай частцы шырыня яе 50—250 метраў, паблізу ўпадзення ў возера Вольшыца 1—1,3 км. Рэчышча ад вытоку да возера Вольшыца звілістае. [[Бераг]]і ракі пераважна невыразныя, забалочаныя.