Віцебскае народнае мастацкае вучылішча: Розніца паміж версіямі

Вучні і выкладчыкі тэхнікума ўдзельнічалі ў шэрагу выстаў у Маскве, [[Ленінград]]зе, [[Мінск]]у. Напрыклад, экспанаваліся творы на 1-й Усебеларускай мастацкай выставе, на якой быў асобны раздзел «Творы вучняў Віцебскага мастацкага тэхнікума». Педагогі і вучні ўдзельнічалі таксама ў стварэнні праекта Дзяржаўнага Герба БССР (быў зацверджаны праект Герба БССР, распрацаваны настаўнікам тэхнікума [[Валянцін Віктаравіч Волкаў|В. Волкавым]]), у афармленні г. Віцебска да святаў, у дзейнасці Віцебскага краязнаўчага таварыства, у складанні экспазіцыі музея пры тэхнікуме. Найбольш здольныя выпускнікі тэхнікума накіроўваліся для паглыблення прафесійных ведаў у вышэйшыя мастацкія навучальныя ўстановы краіны, а з 1933  — ва Усерасійскую Акадэмію Мастацтваў у Ленінградзе. Сярод выпускнікоў навучальнай установы былі народны мастак СССР [[Заір Азгур|3. Азгур]]; народныя мастакі БССР [[Андрэй Ануфрыевіч Бембель|А. Бембель]], [[Аляксей Канстанцінавіч Глебаў|А. Глебаў]], [[Яўген Аляксеевіч Зайцаў|Я. Зайцаў]], Я. Мікалаеў, [[Сяргей Іванавіч Селіханаў|С. Селіханаў]], [[Віталь Канстанцінавіч Цвірка|В. Цвірка]]; заслужаныя дзеячы мастацтваў БССР [[Адольф Самойлавіч Гугель|А. Гугель]], [[Лазар Саулавіч Ран|Лазар Ран]], К. Касмачоў, Раіса Кудрэвіч, [[Натан Майсеевіч Воранаў|Н. Воранаў]], [[Павел Васілевіч Масленікаў|П. Масленікаў]], а таксама мастакі А. Арлоў, М. Аўчыннікаў, У. Вярвенскі, Л. Дзерваедаў, А. Жораў, Г. Ізмайлаў, М. Калішэвіч, Б. Каплан, В. Капыценка, А. Пашута, Ш. Пікус, [[Яўген Саматыя|Я. Саматыя]], І. Фенюк і іншыя.

Інфармацыі пра тое, што пасля [[Вялікая Айчынная вайна|Вялікай Айчыннай вайны]] праца вучылішча была адноўлена, у дакументах Дзяржархіва Віцебскай вобласці не выяўлена. У «Звестках пра сярэднія спецыяльныя навучальныя ўстановы вобласці па стане на 1 красавіка 1946  г.», якія захоўваюцца ў фондзе Віцебскага абкама КПБ, значыцца Мастацкі тэхнікум, арганізаваны ў 1923  г. Але ў графе «Колькасць навучэнцаў на 1946 год» стаіць прочырк.