Свята-Георгіеўская царква (Валавель): Розніца паміж версіямі

'''Свята-Юр'еўская царква''' — праваслаўны храм у [[вёска Валавель|вёсцы Валавель]], [[Драгічынскі раён]], помнік [[Народнае дойлідства Беларусі|драўлянага дойлідства]] з элементамi [[барока]]. Пабудавана ў [[1766]] г. як [[Уніяцтва|уніяцкая]]. З [[1839]] г. яна стала праваслаўнай.

Прамавугольны асноўны [[зруб]] і выцягнутая пяцігранная [[апсіда]] накрыты агульным [[гонт]]авым дахам з хвалямі над трохвугольнымі навісямі ў месцы злучэння зрубаў. На галоўным фасадзе тарэц даху вырашаны як спалучэнне крывалінейнага [[франтон]]а з паўвальмай і дзвюма чацверыковымі [[вежа]]мі па баках, завершанымі фігурнымі [[баня, купал|банькамі]] з шасціграннымі шыйкамі[[шыйка]]мі і [[Банягалоўка, купалархітэктура|галоўкамі]] над імі. Падобная галоўка прарэзвае [[вільчык]] даху над [[алтар]]ом. Складаныя формы завяршэнняў маюць шматлікія заломы і выгіны. Па баках апсіды прыбудаваныя сіметрычныя нізкія [[Рызніца|рызніцы]], пры ўваходзе — [[тамбур]]. Сцены вертыкальна ашаляваныя дошкамі з нашчыльнікамі. Аконныя праёмы прамавугольныя, на галоўным фасадзе ў выглядзе паўцыркульных [[імпаст]]аў. Інтэр'ер зальны з плоскай [[бэлька|бэлечнай]] [[столь|столлю]]. Над уваходам трапецападобныя ў плане [[хоры]].