'''Вітэнберг''' (Лютэрштат) (ням. Lutherstadt Wittenberg) — акруговы горад (ням. Kreisstadt) у [[Германія|Германіі]], [[Саксонія-Анхальт]], на [[рака Эльба|рацэ Эльба]]. Размешчаны ў 100 км ад [[Берлін]]а, і ў 70 км ад [[Лейпцыг]]а. У 16 м стагоддзі з'яўляўся буйным цэнтрам культурнага і палітычнага жыцця Германіі, адыграў прыкметную ролю ў пачатку [[Рэфармацыя|Рэфармацыі]], з'яўляўся месцам дзейнасці [[Марцін Лютэр|Марціна Лютэра]], [[Філіп Меланхтан|Філіпа Меланхтана]] і [[Лукас Кранах Старэйшы|Лукаса Кранаха]], а таксама сям'і вядомых сярэднявечных юрыстаў Карпцовых. Мясцовыя славутасці Лютэрхаус, Меланхтанхаус і Замкавая царква (ням. Schlosskirche) ўнесены ў спіс сусветнай культурнай спадчыны ЮНЕСКА. З'яўляўся цэнтрам княства Саксон-Вітэнбергскага, у 16-м стагоддзі ў Вітэнбергу знаходзілася рэзідэнцыя курфюрста Саксонскага.