'''Вяль''' - — у [[Беларуская міфалогія|беларускай міфалогіі]] адзін з [[цмок]]аў. Паданне аб ім запісана [[Ірына Дубянецкая|Ірынай Дубянецкай]] у в. [[Валэйкішкі]] ([[Астравецкі раён]]).
Вяль жыў каля [[Валун|валуна]] бліз вёскі Валэйкішкі, бавіўся з ім, перакідваў і не даваў людзям прайсці, а таксама краў у іх скаціну. Аднойчы разумны вясковец закалоў [[Авечка|барана]], злупіў з яго скуру, заліў у яе "«[[Смала|смалу]] і [[Сера|серку]]"» і паставіў каля камня. Цмок убачыў "«барана"» і адразу з'еў. Гарачая смала заліла яму глотку, і ён адразу памёр. Перад смерцю Вяль зароў так громка, што яго пачуў цмок Крок, што жыў пад [[Кракаў|Кракавам]], і сам адразу памёр са страху.
== Паралелі ў іншых легендах ==
Імя Вяль і сувязь з валуном адсылае да імя старажытнага бога [[Вялес|Вялеса]]а. Персанажы, падобныя на гэтае боства (кравец Сцяпан, [[Лукомскі цмок]]) наогул нярэдка звязаныя з камянямі ці нават жывуць унутры іх. У [[Польшча|Польшчы]] захавалася легенда пра [[Вавельскі цмок|Вавельскага цмока]], які жыў у прыгорку пад Кракавам і быў знішчаны гэтакім жа чынам, як і Вяль (дарэчы, у паданні пра Вяля згадваецца нейкі цмок Крок, што як раз жыў пад Кракавам). Цікава, што імя [[Крак]] (падобнае на Крок) у польскай легендзе (у версіі, якую запісаў [[Ян Длугаш]]) носіць старажытны князь, які распраўляецца з цмокам. У паданні пра князя [[Радар, міфалогія|Радара]] фігурыруе змей Крыгавей, які ўжо служыць польскаму каралю Ляху і жыве ў Польшчы, унутры прыгорка.
== Спасылкі ==
*[http://news.tut.by/culture/315287.html Ірына Дубянецкая. Дзе шукаць беларускага цмока?]
*[http://rv-blr.com/dictonary/view/632 "«Вужыныя і змеевы камяні"» на сайце "«Родныя вобразы"»]
