Ашмянскае ўзвышша: Розніца паміж версіямі

Ашмянскае ўзвышша працягнулася з паўночнага захаду на паўднёвы ўсход на 100 км, з поўначы на поўдзень на 30-40 км (заходзіць часткова на тэрыторыю [[Літва|Літвы]], дзе яго называюць Мядзінінкскім узвышшам), плошча 3,2 тыс. км². На поўначы і паўночным усходзе мяжуе з Нарачана-Вілейскай нізінай, на ўсходзе — з [[Мінскае ўзвышша|Мінскім узвышшам]], на паўднёвым захадзе — з Верхнянёманскай нізінай, на паўночным захадзе — з [[Лідская раўніна|Лідскай раўнінай]]. Усходнюю частку ўзвышша, якая адчляняецца [[даліна]]й [[Рака Заходняя Бярэзіна|Бярэзіны]], некаторыя даследчыкі адносяць да Мінскага ўзвышша. Над суседнімі нізінамі ўзвышаецца на 75-100 м. Найвышэйшы пункт узвышша — гара Мілідаўская (320 м над узроўнем мора) каля вёскі Мілідаўшчына Смаргонскага раёна). У рэльефе ўзвышша вылучаецца пяць град, выцягнутых у выглядзе дуг (кожная града шырынёй ад 1-1,5 да 5-7 км), што чаргуюцца з глыбокімі (да 40-50 м) паніжэннямі, на якіх трапляюцца озы.