56 % тэрыторыі займае лес з перавагай хваёвых і чорнаальховых драўняных парод, 14 % — рэкі, азёры і штучныя вадаёмы, балоты, 24,1 % — сельскагаспадарчыя ўгоддзі. Праз тэрыторыю раёна працякае галоўная водная артэрыя беларускага Палесся — [[рака Прыпяць]] з прытокамі [[рака Случ|Случ]], [[рака Сцвіга|Сцвіга]], [[рака Скрыпіца|Скрыпіца]], [[рака Навуць|Навуць]]. На тэрыторыі раёна знаходзіцца шмат азёр: [[возера Чырвонае|Чырвонае]] (самае буйное возера Палесся), [[возера Белае, Жыткавіцкі раён|Белае]], [[возера Найда|Найда]], [[возера Вусцечына|Вусцечына]] і іншыя. У раёне размешчаны [[Нацыянальны парк «Прыпяцкі»]], частка дзяржаўнага ландшафтнага заказніка «[[Заказнік «Сярэдняя Прыпяць»|«Сярэдняя Прыпяць»]]», заказнік «[[Тураўскі луг]]», Жыткавіцкі і Ленінскі паляўнічыя заказнікі.
