Будслаўскі кляштар бернардзінцаў: Розніца паміж версіямі

'''Будслаўскі кляштар бернардзінцаў'''. Існаваў y 16—1-й палове 19 ст. ў вёсцы Будслаў (Мядзельскі раён Мінскай вобласці). Упершыню ўпамінаецца ў дакументах y 1504, калі вялікі князь ВКЛ Аляксандр даў віленскім бернардзінцам 6 тыс. маргоў лесу ў Мінскім павеце. Манахі жылі па 2—4 чалавекі ў шалашах («будах»), мелі капліцу. У 1591 пабудаваны драўляны касцёл Наведання Марыяй Елізаветы, y якім знаходзіўся цудатворны абраз Маці Божай, прывезены ў 1598 Я.Пацам з Рыма (дар папы Клімента VIII) і ў 1613 перададзены ў храм. ▼

У 1643 пабудаваны новы касцёл, y 1750 — жылы корпус кляштара. 29.6.1767 за- кладзены новы касцёл, y яго аб’ёмна-прасторавую кампазіцыю ўвайшоў як бакавая капліца касцёл св. Варвары, пабудаваны ў 1643. У 1783 касцёл асвячоны ў гонар Успення Маці Божай. На прадягу 2-й пал. 18 ст. прыбудаваны розныя кляштарныя памяшканні. 3 1756 пры кляштары працавала музычная школа (15 вучняў), y 1793—1842 — 2-класная школа (15 вучняў) і шпіталь, y 1731—97 y духоўнай школе кляштара 7—10 слухачоў вывучалі маральную тэалогію і рыторыку. Манахаў было 4—17 чалавек. Пасля закрыцця кляштара (1852) некаторыя яго манахі (Г.Т.Вольскі, Манстовіч, П.Багдановіч, Загорскі, Маркевіч) бралі ўдзел y паўстанні 1863—64. Касцёл захаваўся як парафіяльны. Побач з ім захаваўся будынак плябаніі 19 ст.▼