Вантрабянка

Вантрабянка, традыцыйны беларускі мясны выраб. Лакальная назва патрашанка. Адвараныя, дробна парэзаныя, пасоленыя свіныя вантробы (лёгкія, печань, сэрца, ныркі), a таксама галавізна, прыпраўленыя часнаком, перцам і інш. спецыямі, перамешваюць, кладуць y тоўстыя свіныя кішкі ці страўнік і зноў вараць або падпякаюць y печы. Потым на 1—1,5 сутак прыціскаюць гнётам. Ядуць халодную. На 3аходняй Беларусі вантрабянку называюць сальцісонам.

Літаратура

• Беларуская энцыклапедыя: У 18 т. Т.3: Беларусы — Варанец / Рэдкал.: Г. П. Пашкоў і інш — Мн.: БелЭн, 1996. — Т. 3. — 511 с. — 10 000 экз. — ISBN 985-11-0068-4 (т. 3).