Фёдар Міхайлавіч Янкоўскі: Розніца паміж версіямі

Нарадзіўся ў сялянскай сям'і. Скончыў [[Горад Рагачоў|Рагачоўскі]] педагагічны тэхнікум (1936). Працаваў настаўнікам Буцавіцкай школы [[Мінскі раён|Мінскага раёна]]. Скончыў завочна [[Мінскі настаўніцкі інстытут]] у 1939 годзе. Удзельнічаў у [[Савецка-фінляндская вайна, 1939-1940|савецка-фінляндскай вайне]] (1939—1940), быў паранены. У час [[Вялікая Айчынная вайна|Вялікай Айчыннай вайны]] — разведчык, начальнік разведкі атрада «Грозны» на Міншчыне. Пасля вызвалення Беларусі ад акупантаў два гады (1944—1946) працаваў адказным сакратаром рэдакцыі Глускай раённай газеты «Сацыялістычная вёска» і настаўнічаў у Глускай сярэдняй школе. У 1948 годзе скончыў філалагічны факультэт [[Гродзенскі дзяржаўны ўніверсітэт імя Янкі Купалы|Гродзенскага педагагічнага інстытута]]. Выкладаў беларускую мову і літаратуру ў [[Гарадскі пасёлак Радашковічы|Радашковіцкай]] сярэдняй школе, вучыўся ў аспірантуры пры [[Беларускі дзяржаўны педагагічны ўніверсітэт імя Максіма Танка|Мінскім педагагічным інстытуце]]. З 1953 г. — выкладчык беларускай мовы, у 1956—1982 гг. — загадчык, з 1983 — прафесар кафедры беларускага мовазнаўства гэтага інстытута. [[Доктар навук|Доктар]] філалагічных навук. Член [[СП СССР]] (з 1968 г.).▼

Дэбютаваў у рэспубліканскім друку [[нарыс]]ам у 1936 годзе (часопіс [[Алеся (1924)|«Работніца і калгасніца Беларусі»]]). Аўтар кніг «Дыялектны слоўнік» (вып. 1-3, 1959—1970), «Беларускае літаратурнае вымаўленне» (1960), «Пытанні культуры мовы» (1961), «Вусная мова і выразнае чытанне» (з У. Калеснікам, 1962), «Роднае слова» (1967, 2-е выданне ў 1972, 3-е пад назвай «Беларуская мова» ў 1978), «Беларуская фразеалогія» (1968, 1981), «Беларускія народныя параўнанні» (1973), «Гістарычная граматыка беларускай мовы» (ч. I — 1974, ч. II — 1977), «Сучасная беларуская мова» (1984), «Само слова гаворыць» (1986). Выдаў «Фразеалагічны слоўнік» (з Н. Гаўрош і Я. Лепешавым, 1973). Складальнік зборнікаў афарызмаў, прыказак і прымавак, параўнанняў, фразеалагізмаў «З беларускіх літаратурных крыніц» (1960), «Беларускія народныя прыказкі, прымаўкі» (1957), «Беларускія прыказкі, прымаўкі, фразеалагізмы» (1962). Адзін з аўтараў дапаможнікаў для [[ВНУ|вышэйшых навучальных устаноў]] «Сучасная беларуская літаратурная мова» (1976, 1984), «Практыкум па беларускай мове» (1980) і інш.▼

Выйшлі кнігі [[Проза|прозы]] «Абразкі» (1975), «Прыпыніся на часіну» (1979), «І за гарою пакланюся» (1982), «Радасць і боль» (1984), «З нялёгкіх дарог» (выбранае, 1988).▼