Аршанскі стадыял: Розніца паміж версіямі

'''Арша́нскі стадыя́л''' (ад г. [[Орша]]) — максімальны [[стадыял]] апошняга [[паазерскае зледзяненне|паазерскага зледзянення]] на [[Беларусь|Беларусі]]. Адбыўся 17,7—17 тысяч гадоў назад у час найбольшага развіцця [[ледавік]]овага покрыва, граніцы якога супадалі з паўднёвай мяжой [[Беларускае Паазер'е|Беларускага Паазер'я]]. Кліматычныя ўмовы былі самыя суровыя за ўсё зледзяненне. У краявой зоне сфарміраваліся [[марэнныя адклады|марэнныя]], [[водна-ледавіковыя адклады|водна-ледавіковыя]], [[лёсападобныя адклады|лёсападобныя]] і інш. адклады. Канцавыя марэнныя ўзвышшы (складзены пераважна з пясчана-жвіровага матэрыялу) цягнуцца ад [[Орша|Оршы]] на захад да [[возера Сялява]], гарадоў [[Лепель]], [[Докшыцы]] і [[возера Нарач]]. На рэках басейна [[Дняпро|Дняпра]] і [[Нёман]]а утварыліся другія [[надпоймавыя тэрасы]]. Сфарміраваліся асноўныя рысы сучаснага рэльефу паўднёвага Паазер'я. На паўдзеньпоўдзень ад мяжы аршанскага стадыялстадыялу намнажаліся покрыўныя [[лёсападобныя адклады]] (на [[Аршанска-Магілёўская раўніна|Аршанска-Магілёўскай раўніне]], [[Навагрудскае ўзвышша|Навагрудскім узвышшы]] і [[Мазырская града|Мазырскай градзе]]).