Свята-Уладзімірская царква (Гродна): Розніца паміж версіямі

'''Уладзімірская царква''' — помнік архітэктуры канца 19 ст. Знаходзіцца па адрасе: [[горад Гродна|г. Гродна]], [[Вуліца Перамогі, Гродна|вул. Перамогі]], 5.
== Гісторыя ==
Пабудавана ў [[1896]] з цэглы ў [[Руска-візантыйская архітэктура|псеўдарускім стылі]] (архітэктар [[Іван Капітонавіч Плотнікаў|І. Плотнікаў]]).

Аб'ёмна-прасторавая кампазіцыя складаецца з 2-яруснай [[Званіца|званіцы]] і асноўнага аб'ёму з пятігранной [[Апсіда|апсідай]]. Асноўны аб'ём накрыты чатырохскатным [[Дах|дахам]], званіца завершана шатром з верхавінай. Аконныя праёмы аркавыя і лучковыя. Сцены па перыметры завершаны зубчастым поясам, філянгавым фрызам і прафіляваным карнізам. На бакавых фасадах кіляпадобныя [[Франтон|франтончыкі]]. Цокаль раскрапаваны філёнгамі і прафіляваны цягамі. Архітэктура царквы насычана стылізаванымі элементамі дэкору старажытнарускага дойлідства (закамары, кіляпадобныя аркі, крыжовыя і аркавыя нішы, кутнія калонкі, ліштвы вокнаў і інш.).
== Інтэр'ер ==
Унутраная прастора перакрыта плоскай [[Столь|столлю]]. Дэкаратыўны акцэнт інтэр'еру — драўляны [[іканастас]].