Леапольд I (маркграф Аўстрыі)

Леапольд I (ням.: Leopold I, Liutpold I, Luitpold I; памёр 10 ліпеня 994, Вюрцбург) — першы маркграф Аўстрыі (976—994) з дынастыі Бабенбергаў.

Леапольд I
ням.: Liutpold I
Леапольд I на генеалагічным дрэве Бабенбергаў
маркграф Аўстрыі 976 — 994
Папярэднік	Буркхард
Пераемнік	Генрых I
Нараджэнне	каля 940 Вюрцбург, Ніжняя Франконія, Баварыя
Смерць	10 ліпеня 994(0994-07-10) Вюрцбург
Месца пахавання	Вюрцбург
Род	Бабенбергі
Бацька	Арнульф[d]
Маці	Юдыта Фрыульская[d]
Жонка	Рыхвара
Дзеці	гл. у тэксце
Дзейнасць	маркграф
Медыяфайлы на Вікісховішчы

Біяграфія

Леапольд Бабенберг быў паплечнікам германскага імператара Атона II і ўдзельнікам войнаў з венграмі. Пасля прыгнечання мецяжу баварскага герцага Генрыха II Сварлівага супраць імператара, Атон II у 976 годзе аддзяліў ад Баварыі яе паўднёва-ўсходнія тэрыторыі. На прыгранічнай з Венгрыяй часткі адабраных у Баварыі зямель была ўтворана Усходняя марка са сталіцай, верагодна, у горадзе Мельк, што на захадзе сучаснай Ніжняй Аўстрыі. Леапольд I Бабенберг стаў першым яе графам.

Галоўнымі задачамі Леапольда I былі ахова граніц імперыі ад набегаў венграў і пашырэнне тэрыторыі маркі ва ўсходнім кірунку.

Ва ўмовах паслаблення цэнтральнай улады ў Германіі, выкліканага паўстаннямі буйных баронаў, шматлікімі войнамі і барацьбой з Рымскімі Папамі, Усходняя марка, якая знаходзілася на перыферыі імперыі, хутка дасягнула фактычнай незалежнасці, што прывяло пазней да фарміравання незалежнай Аўстрыі, і Леапольд I стаў, такім чынам, заснавальнікам першай яе дынастыі — Бабенбергаў.

У 1976 годзе Аўстрыя адзначала тысячагоддзе сваёй гісторыі, якое звычайна адлічваецца ад пачатку кіравання Леапольда I ва Усходняй марцы.

Шлюб і дзеці

Жонка: Рыхвара, меркавана дачка Эрнста IV (з роду Эрнстэ), графа Зуалафельдгау

• Генрых I (пам. 1018), маркграф Аўстрыі (з 994)
• Эрнст I (пам. 1015), герцаг Швабіі (з 1012)
• Адальберт (пам. 1055), маркграф Аўстрыі (з 1018)
• Попа (пам. 1047), архібіскуп Трыра (з 1016)
• Луітпольд (пам. 1059), архібіскуп Майнца (з 1051)
• Кунігунда
• Крысціна, манашка ў Трыры
• Гема, замужам за Ратпата, графам Дысена
• Юдыта

Літаратура

• Heinrich Ritter von Zeißberg. Leopold I. (Markgraf der Ostmark) // Allgemeine Deutsche Biographie (ADB). Band 18. — Leipzig: Duncker & Humblot, 1883. — S. 379—381. (ням.)

Спасылкі

• Liutpold I (англ.). Foundation for Medieval Genealogy. Праверана 18 верасня 2013.
• Liutpold der Erlauchte (ням.). Mittelalterliche Genealogie im Deutschen Reich bis zum Ende der Staufer. Архівавана з першакрыніцы 30 верасня 2007. Праверана 18 верасня 2013.