Ака: Розніца паміж версіямі

'''Ака́''' ({{lang-ru|Ока}}) — [[рака]] ў [[Еўрапейская частка Расіі|Еўрапейскай частцы Расіі]], самы вялікі правы прыток [[рака Волга|Волгі]]. Даўжыня 1500 км. [[Вадазбор]] 245 тыс. км². Сярэднегадавы расход вады ў [[Вусце (частка ракі)|вусці]] 1,3 тыс. м³/сек. Пачынаецца ў цэнтральнай частцы [[Сярэднярускае ўзвышша|Сярэднярускага ўзвышша]] на вышыні 226 метраў на узроўнем мора і ўпадае ў [[рака Волга|Волгу]] каля горада [[Ніжні Ноўгарад]]. Рэчышча звілістае, пойма шырокая, шмат [[старыца|старыц]]. Галоўныя прытокі: [[рака Угра|Угра]], [[рака Масква|Масква]], [[рака Клязьма|Клязьма]] (злева), [[рака Мокша|Мокша]] (справа). Паводка з красавіка да мая ў верхнім цячэнні і да пачатку чэрвеня ў ніжнім. Летам і зімой межань, восенню дажджавыя паводкі. Пераважны гадавы сцяк вясной. Ледастаў з лістапада да красавіка. Рэгулярнае [[суднаходства]] ад [[горад Серпухаў|г. Серпухаў]] да вусця (1200 км). На ўчастку ніжэй ракі Масква на працягу 100 км шлюзаваная (Белаомутаўскі і Кузьмінскі гідравузлы). На левым беразе ў сярэднім цячэнні Акі — Прыокска-тэрасны запаведнік. На Ацэ — гарады [[горад Арол|Арол]], [[горад Калуга|Калуга]], [[горад Серпухаў|Серпухаў]], [[горад Кашыра|Кашыра]], [[горад Каломна|Каломна]], [[горад Разань|Разань]], [[горад Касімаў|Касімаў]], [[горад Мурам|Мурам]], [[горад Паўлава|Паўлава]], [[горадГорад Дзяржынск, Ніжагародская вобласць|Дзяржынск]], [[Ніжні Ноўгарад]].