Беларускі піянер: Розніца паміж версіямі

 

Акрамя актуальнай палітычнай перадавіцы часопіс меў рубрыкі: Наша жыцьцё, Газэта «Беларускага піонэра», У часе адпачынку, Наш каляндар, Бібліотэка піонэра, «Аб усім патроху», «Акцябратам для чытаньня» «З усяго сьвету» і інш. У 1924—1926 гг. «Беларускі піонэр» змясціў некалькі песень з нотамі, у тым ліку тры — з музыкай [[Мікола Равенскі|Міколы Равенскага]] на словы У. Дубоўкі. Часопіс змяшчаў урокі сельскай гаспадаркі, малявання, шахмат і шашак, асноўныя патрабаванні да асабістай гігіены дзяцей, публікацыі пра дасягненні навукі і тэхнікі, ваенную справу. Рэгулярна змяшчаліся матэрыялы пра жыццё дзяцей у замежных краінах (расказваючы пра кітайскіх піянераў «Беларускі піонэр» надрукаваў піянерскія лозунгі па-кітайску).

Друкаваліся творы [[Якуб Колас|Якуба Коласа]], Уладзіміра Дубоўкі, [[Змітрок Бядуля|Змітрака Бядулі]], [[Міхась Зарэцкі|Міхася Зарэцкага]], [[Паўлюк Трус|Паўлюка Труса]], [[Кандрат Крапіва|Кандрата Крапівы]], [[Тодар Кляшторны|Тодара Кляшторнага]], [[Валерый Дзмітрыевіч Маракоў|Валерыя Маракова]], [[Міхась Чарот|Міхася Чарота]], праз работу з «пікорамі» (піонэрамі-корэспандэнтамі) было адкрыта шмат новых літаратурных імёнаў. Дзякуючы публікацыі ў «Беларускім піонэры» шырокаму колу чытачоў стаў вядомы выкладчык гісторыі і геаграфіі з Менска Іван Міхайлавіч Фёдараў, гістарычная аповесць якога «Чалавек ідзе» ўпершыню з'явілася ў лістападаўскім нумары за 1926 год пад псеўданімам Янка Маўр (у 1929 г. ён стаў членам рэдкалегіі часопіса).