Жылы раён забудаваны пяці-, дзевяці- і дванаццаціпавярховымі дамамі. Маецца вялікі масіў [[прыватны сектар|прыватнага сектару]]. У двух кварталах мікрараёна Ангарская-1 пераважаюць дамы [[1965]]—[[1970]] гадоў пабудовы, а таксама асобныя дамы сярэдзіны [[1980-я|1980-х]]. Мікрараён Ангарская-2 галоўным чынам забудаваны панэльнымі дамамі [[1974]]—[[1981]] гадоў. Мікрараёны Ангарская-3 і 4 складаюцца з панэльных дамоў [[1982]]—[[1989]] гадоў. Мікрараён Ангарская-5 ([[вуліца Ілімская, Мінск|вуліца Ілімская]]) пабудаваны ў канцы [[1990-я|1990-х]] — пачатку 2000-х гадоў і складаецца з 6-12 павярховых цагляных дамоў па індывідуальным праекце. Кварталы ўздоўж вуліцы Алтайская складаюцца з 9-12 павярховых дамоў сярэдзіны-канца [[1980-я|1980-х]] гадоў. У жылым раёне працягваецца будаўніцтва, з'явіліся некалькі 19-павярховых дамоў па [[вуліца Байкальская, Мінск|вуліцы Байкальская]].
