Розніца паміж версіямі "Хо-чанк"

1 289 байтаў дададзена ,  3 гады таму
Ужо ў [[18 стагоддзе|XVIII]] ст. некаторыя групы хо-чанк мігрыравалі на захад сучасных [[ЗША]] і [[Канада|Канады]]. У [[1825]] г., [[1827]] г., [[1832]] г. заключаліся пагадненні з урадам ЗША, якія суправаджаліся тэрытарыяльнымі саступкамі з боку індзейцаў і вылучэннем новых тэрыторый з боку ЗША. У выніку паселішчы хо-чанк з'явіліся ў [[штат Мінесота|Мінесоце]], [[Штат Агая|Агая]] і [[Штат Паўднёвая Дакота|Паўднёвай Дакоце]]. Частка хо-чанк адмовілася высяляцца з [[Штат Вісконсін|Вісконсіна]], што прывяло да сутычак з амерыканскімі ваеннымі і добраахвотнікамі.
 
Перасяленні хо-чанк працягваліся да [[1887]] г., пакуль большасць гэтага народа не атрымала землі ўздоўж [[Рака Місуры|ракі Місуры]]. Многія абшчыннікі атрымлівалі яе ў прыватную маёмасць, а потым прадавалі белым фермерам. Такім чынам да [[Першая сусветная вайна|I Сусветнай вайны]] хо-чанк пазбавіліся дзвю трацін сваёй зямельнай маёмасці. У [[1934]] г. хо-чанк Небраскі стварылі асабісты аўтаномны ўрад, прызнаны ўладамі ЗША. У [[1962]] г. пачала дзейнічаць праграма размеркавання зямлі, якая перадавалася ў агульнае карыстанне індзейцаў, што садзейнічала паляпшэнню эканамічнай сітуацыі.
 
== Культура ==
Для традыцыйнай гаспадаркі хо-чанк быў характэрны змяшаны характар. Важную ролю адыгрывала [[земляробства]]. Зямлю апрацоўвалі мужчыны, аднак галоўны клопат пра ўраджай ускладаўся на жанчын. Вырошчвалі [[кукуруза|кукурузу]], [[тытунь]], [[бабовыя]], [[гарбуз]]ы. Жанчыны і дзеці таксама займаліся [[збіральніцтва]]м. [[Паляванне]] мела сезонны характар. Улетку групы мужчын-паляўнічых накіроўваліся ў [[прэрыя|прэрыі]] на захад для палявання на [[амерыканскі бізон|бізонаў]]. Такая адыходніцкая здабыча стала магчымай у [[18 стагоддзе|XVIII]] ст. дзякуючы асваенню конегадоўлі. Хо-чанк актыўна займаліся [[рыбалоўства]]м. Асаблівае значэнне мела здабыча [[Асятровыя|асятровых]] з дапамогай [[лук]]аў і [[дзіда]]ў.
 
{{зноскі}}
autoeditor
29 332

праўкі