'''Архенціна''' ({{lang-es|Argentino}}) — прэснаводнае [[возера]], размешчанае ў патагонскай [[правінцыя Санта-Крус|правінцыі Санта-Крус]], [[Аргенціна]]. Гэта найбуйнейшае возера ў Аргенціне, плошча яго паверхні -— 1415 км²<ref>[http://www.ign.gob.ar/NuestrasActividades/Geografia/DatosArgentina/Lagos Principales lagos de la república Argentina], Instituto Geográfico Nacional (IGN)</ref> (максімальная шырыня: 20 км). Сярэдняя глыбіня возера 150 м, максімальная -— 500 м. Адкрыта ў лістападзе 1782 братамі Антоніа і Франсіска В'едма. Возера размешчана ў нацыянальным парку [[Нацыянальны парк Лос-Гласьярэс|Лос-Гласьярэс]], у якім размешчана вялікая колькасць ледавікоў, сярод якіх найбольш вядомы ледавік Перыта-Марэна. Возера сілкуецца адталай ледавіковай вадой, якая паступае ад некалькіх рэк; вада з [[возера В'едма]] паступае праз раку Ла-Леона і мноства горных ручаёў. Плошча вадазбору складае больш за 17 000 км².
