Раста: Розніца паміж версіямі

Даўжыня 100 км. Плошча [[вадазбор]]у 1290 км². Сярэднегадавы расход вады ў вусці 6,8 м³/с. Сярэдні [[ухіл ракі|нахіл воднай паверхні]] 0,6 %. Пачынаецца каля вёскі Аляксандраўка [[Дрыбінскі раён|Дрыбінскага раёна]], вусце за 2 км на паўднёвы ўсход ад вёскі Харанеў [[Слаўгарадскі раён|Слаўгарадскага раёна]]. Цячэ па [[Аршанска-Магілёўская раўніна|Аршанска-Магілёўскай раўніне]].

 

 

[[Даліна]] добра распрацаваная, глыбокаўрэзаная, трапецападобцая, пераважная шырыня 0,6—1 км. Схілы спадзістыя і ўмерана стромкія, часам стромкія, вышынёй 10—15 м. [[Пойма]] двухбаковая, слабазабалочаная. Паверхня яе ў вярхоўі роўная, у сярэднім цячэнні куп′істая, у ніжнім узгорыстая, парэзаная меліярацыйнымі каналамі (шырыня 0,3—0,4 км). У разводдзе затапляецца на глыбіню 0,5—1,5 м на 5—10 сутак. Рэчышча свабодна [[меандр, рака|меандруе]], умерана звілістае, ніжэй вёскі Харкаўка [[Чавускі раён|Чавускага раёна]] трапляюцца невялікія [[Востраў|астравы]]. [[Бераг]]і стромкія, месцамі абрывістыя, вышынёй 0,8—1,5 м. Найвышэйшы ўзровень разводдзя ў пачатку красавіка, сярэдняя вышыня над межанным узроўнем ад 2,3 м у верхнім цячэнні да 3,2 м у ніжнім. Замярзае ў пачатку снежня, крыгалом у канцы сакавіка. Веснавы ледаход у сярэднім 5 сутак.