Кейстут: Розніца паміж версіямі

Пасля смерці Гедзіміна ([[зіма]] [[1341]]) і старэйшага брата [[Манівід Гедзімінавіч|Манівіда]] ([[1342]]) знешняе становішча ВКЛ было складным, [[Тэўтонскі ордэн]] рыхтаваў вялікую вайсковую кампанію. Альгерд з Кейстутам былі старэйшыя пасля Нарымонта сярод [[Гедзімінавічы|Гедзімінавічаў]], а ў [[Горад Вільня|Вільні]] сядзеў самы малодшы сын Гедзіміна – [[Яўнут Гедзімінавіч|Яўнут]], малады і няздольны да ўлады. У [[1345]] Альгерд і Кейстут вырашылі ўзяць ўладу — Кейстут з [[Горад Тракай|Трокаў]] з войскам прыйшоў у Вільню і паланіў Яўнута, пасля гэтага паклікаў Альгерда і перадаў яму Вільню як старэйшаму, прызнаючы вярхоўную ўладу брата. Альгерд з Кейстутам падзялілі ВКЛ на "''паловы''", Альгерд быў уладаром у [[Віленская палова|Віленскай палове]] і меў тытул [[вялікі князь|вялікага князя]], Кейстут быў уладаром у [[Троцкая палова|Троцкай палове]] і яму падпарадкоўваліся ўсе родзічы, якія мелі там удзелы. Браты спачатку дамовіліся дзяліць усе зноў здабытыя землі, у [[1352]] Кейстут атрымаў да сваіх уладанняў яшчэ і [[Берасцейская зямля|Берасцейскую зямлю]]. Але пасля, відаць, умовы дагавора паміж братамі змяніліся, Альгерд больш не дзяліўся з Кейстутам далучанымі землямі.