Фракцыя здолела адцягнуць на тры гады прапанаванае ў маі [[1991]] годугода 1-ым сакратаром ЦК КПБ [[Анатоль Малафееў|Анатолем Малафеевым]] увядзенне пасады прэзідэнта. На прапанову фракцыі [[24 жніўня]] 1991 года на 86% камуністычны ВС прыняў пастановы аб спыненні дзейнасці КПСС і [[камсамол]]а, а таксама аб зняцці [[Мікалай Дземянцей|Мікалая Дземянцея]] з пасады старшыні Вярхоўнага Савета (ВС). 25 жніўня 1991 года на прапанову дэпутатаў Апазіцыі БНФ Вярхоўны Савет абвясціў незалежнасць Беларусі. Увосень [[1991]] года Апазіцыя БНФ распрацавала [[Закон аб грамадзянстве Рэспублікі Беларусь]], што быў пазней з папраўкамі ўхвалены ВС. У верасні 1991 года на прапанову Апазіцыі БНФ ВС ухваліў [[бел-чырвона-белы сцяг]] і герб «[[Пагоня]]» ў якасці дзяржаўных<ref>[[Зянон Пазняк]]. [http://www.zianonpazniak.de/publications/analytics/10yearsfighting.htm Беларускі Народны Фронт — дзесяць гадоў змагання] // [[Беларускія ведамасці (часопіс)|Беларускія Ведамасці]]. № 7(17), [[16 кастрычніка]] [[1998]].</ref>. [[11 красавіка]] [[1995]] года 19 з 26 удзельнікаў фракцыі бралі ўдзел у галадоўцы ў зале ВС у знак пратэсту супраць прызначэння неадпаведнага [[Канстытуцыя Рэспублікі Беларусь|Канстытуцыі]] [[Рэферэндум у Беларусі (1995)|рэферэндума]]<ref>[[Сяргей Навумчык]]. [http://www.svaboda.org/content/transcript/2007850.html Збіццё дэпутатаў БНФ: хроніка, фота, відэа] // [[Радыё Свабода]]. [[9 красавіка]] [[2010]]</ref>.
