Узброеныя сілы: Розніца паміж версіямі
др Новая старонка: ''''Узброеныя сілы''', узброеная арганізацыя дзяржавы, прызначаная абараняць суве...' |
(Няма розніцы)
|
Версія ад 16:40, 10 ліпеня 2009
Узброеныя сілы, узброеная арганізацыя дзяржавы, прызначаная абараняць суверэнітэт і тэрытарыяльную цэласнасць дзяржавы на выпадак вайны, адзін з важнейшых інструментаў палітычнай улады.
Прызначэнне ўзброеных сіл, прынцыпы іх будаўніцтва, навучання і выхавання асабовага складу вызначаюцца грамадствам, дзяржаўным ладам і палітыкай дзяржавы, а таксама масштабам краіны, яе геаграфічным становішчам, гістарычнымі, сацыяльнымі і культурнымі традыцыямі. Вырашальны ўплыў на ўзброеныя сілы аказвае эканоміка.
Да 20-га стагоддзя узброеныя сілы складаліся з сухапутнай арміі і ваенна-марскога флоту. Сучасныя узброеныя сілы ў большасці дзяржаў свету складаюцца з розных відаў (сухапутныя войскі, ваенна-марскі флот, ваенна-паветраныя сілы, сілы супрацьпаветранай абароны), вышэйшых органаў ваеннага кіравання (міністэрства абароны, генеральны штаб), органаў тылу і некаторых ваенізаваных арганізацый.