Карыгайла Альгердавіч: Розніца паміж версіямі

'''Карыгайла''' (у праваслаўі '''Васіль''', у каталіцтве '''Казімір'''; 1369 або 1370 — [[1390]]) — мсціслаўскі князь у [[ВКЛ|Вялікім княстве Літоўскім]]. Адзін з малодшых сыноў [[Альгерд]]а і [[Ульяна Цвярская|Ульяны Цвярской]]. У 1386 (пасля хрышчэння [[Ягайла|Ягайлы]]) прыняў [[каталіцтва]]. Атрымаў ад Ягайлы ў трыманне [[Мсціслаў]]. Калі ў 1386 горад аблажыў смаленскі князь [[Святаслаў Іванавіч]], на дапамогу да Карыгайлы рушылі яго браты [[Скіргайла]], [[Карыбут]], [[Лугвен, князь літоўскі|Лугвен]], [[Вітаўт]]; пад горадам адбылася [[Мсціслаўская бітва 1386]]. У 1390 у час паходу Вітаўта з крыжакамі на [[Вільня|Вільню]] Карыгайла ўзначаліў абарону [[Крывы замак, Вільня|Крывога замка]] сталіцы і быў забіты разам з яго іншымі абаронцамі. Яго галаву насілі на жэрдцы, каб застрашыць абаронцаў Верхняга і Ніжняга замкаў Вільні. У [[1396]] Вітаўт на памін душы Карыгайлы і яго брата Віганда запісаў віленскаму касцёлу св. Станіслава 3 вёскі і дзесяціну з чацвёртай.

 

[[Катэгорыя:Род Альгердавічаў]]