'''Кабінет міністраў''' — найвышэйшы орган выканаўчай улады, які здзяйсняе адміністрацыйна-распарадчыя функцыі ў сферы дзяржаўнага кіравання.
У шэрагу [[краіна|краін]] найвышэйшы орган выканаўчай улады можа мець іншую назву (да прыкладу ў [[СССР]] [[Савет Міністраў СССР|Савет Міністраў]]).
Кабінет міністраў з'яўляецца калегіяльным органам. Калегія кабінета міністраў складаецца з [[міністр]]аў, якія ўзначальваюць галіновыя міністэрствы. Асноўныя, найбольш важныя дзяржаўныя рашэнні прымаюцца на савеце міністраў шляхам прамога галасавання. Нарматыўна прававыя акты прымаюцца пастановамі кабінета міністраў, падпісанымі [[прэм'ер-міністр]]ам.
Паводле [[Тэорыя дзяржавы і правы|тэорыі дзяржавы і права]], [[дзяржаўная ўлада]] мае тры галіны: [[заканадаўчая ўлада|заканадаўчую]], [[выканаўчая ўлада|выканаўчую]] і [[судовая ўлада|судовую]]. Менавіта выканаўчай уладай і з'яўляецца кабінет міністраў, які, у сутнасці сваёй, прадстаўляе [[урад|ўрад]] краіны, які дзейнічае ў рамках заканадаўчых актаў, прынятых найвышэйшым заканадаўчым органам ([[парламент]], [[сенат]], [[савет народных дэпутатаў]], [[кангрэс]], [[кнэсет]], [[меджліс]] і да т.п.).
