Медаль да стагоддзя БНР: Розніца паміж версіямі
(удзельнік выдалены) (выдаленае кароткае апісанне змен) |
(Няма розніцы)
|
Версія ад 22:46, 25 лютага 2019
Медаль 100 гадоў БНР — узнагарода Рады Беларускай Народнай Рэспублікі, зацверджаная 25 снежня 2018 года. Агулам медалём узнагароджаныя больш за 130 асоб з Беларусі і замежжа.
| Медаль 100 гадоў БНР | |||
|---|---|---|---|
| I ступені | |||
|
|||
| II ступені | |||
|
|||
| Краіна | БНР | ||
| Тып | медаль | ||
| Каму ўручаецца | ваенным і грамадскім дзеячам | ||
| Дата заснавання | 25 снежня 2018 | ||
| Статыстыка ўзнагароджанняў | |||
| Першае | 18 лютага 2019 | ||
| Колькасць | больш за 130 | ||
| Старэйшая | Ордэн Пагоні | ||
Згодна са сваім статутам, медаль уручаецца за пажыццёвыя заслугі ў працы дзеля здзяйснення ідэалаў Акта 25 сакавіка 1918 г., у тым ліку за даследаванні і папулярызацыю беларушчыны, здабыццё і ўмацаванне дзяржаўнай незалежнасці Беларусі, барацьбу за свабоду і дэмакратыю ў Беларусі.
Медаль уручаецца:
- Асобам, якія адзначыліся на ніве змагання за волю і незалежнасць Беларусі,
- Выбітным грамадскім і культурніцкім дзеячам у Беларусі і сярод беларускага замежжа,
- Замежнікам, якія спрычыніліся да даследаванняў і папулярызацыі Беларусі ў свеце, а таксама іншым чынам спрыялі нацыянальным інтарэсам Беларусі.
Апісанне
Медаль выраблены з бронзы, мае круглую форму дыяметрам 38,61 мм[1].
На аверсе выбітыя выява гербу «Пагоня», скрыжаваныя дубовыя галінкі і надпіс «Рада Беларускай Народнай Рэспублікі».
На рэверсе выбіты надпіс: «100 гадоў БНР», даты «1918» і «2018», лаўровы вянок і беларускі шасціканцовы крыж.
Стужка медаля складаецца з вертыкальных палосаў наступных колераў і размешчаных у наступным парадку: шырокая белая, вузкая чорная, шырокая чырвоная, вузкая чорная, шырокая белая. Наверсе стужкі замацаваная бронзавая планка з надпісам «B.N.R.» Шырыня стужкі — 34 мм.
Да медаля дадаецца афіцыйны дыплом на беларускай мове або на беларускай і англійскай мовах.
Узнагароджаныя
Агулам узнагароджаныя больш за 130 асоб з Беларусі і замежжа. Сярод іх палітыкі і грамадскія дзеячы; ветэраны беларускага незалежніцкага руху і палітычныя вязні.
- Юрый Туронак[2] — беларускі гісторык
- Наталля Радзіна[3] — рэдактарка Хартыі 97
- Дэвід Суорц — першы пасол ЗША ў Беларусі
- Стэфан Эрыксан — пасол Швецыі ў Беларусі
- Джым Дынглі — даследчык
- Арнольд Макмілін — даследчык
- Адам Мальдзіс — даследчык
- Радзім Гарэцкі — акадэмік
- Уладзімір Арлоў — пісьменнк
- Аляксей Марачкін — стваральнікі эталону дзяржаўнага герба «Пагоня»
- Леў Талбузін — стваральнікі эталону дзяржаўнага герба «Пагоня»
Гл. таксама
Зноскі
- ↑ МЕДАЛЬ ДА СТАГОДДЗЯ БНР: АПІСАННЕ, Сайт Рады БНР
- ↑ Уручаны першы Медаль да 100-годдзя БНР, Радыё Рацыя
- ↑ Галоўная рэдактарка «Хартыі-97» Наталля Радзіна адной з першых атрымала медаль БНР, Радыё Свабода
Спасылкі
- Прэс-рэліз аб узнагароджанні медалём да 100-годдзя БНР, сайт Рады БНР