Свята-Пакроўская царква (Турэц): Розніца паміж версіямі

 

== Архітэктура ==

Пабудавана ў [[1888]] годзе з [[бутавы камень|бутавага каменю]] і цэглы. У плане ўяўляе сабой традыцыйную чатырохчасткавую схему ([[званіца]], [[трапезная]], асноўны [[Неф|трохнефны]] аб’ём у выглядзе крыжа і [[апсіда]]). У архітэктуры храма выкарыстаны элементы і формы старажытна-рускай архітэктуры: вісячыя падвойныя [[Арка|аркі]] на [[Партал|парталах]] [[прытвор]]аў, [[ліштвы]] акон, трохлопасцевыя [[какошнік, архітэктура|какошнікі]] на фасадах, [[Купал|пяцікупальная]] кампазіцыя асноўнага аб’ёму, цыбулепадобныя рабрыстыя купалы на васьмігранных [[Барабан, архітэктура|барабанах]] галоўнага аб’ёму і на [[Ярус, архітэктура|двух’яруснай]] званіцы. Спалучэнне прыроднага каменю і [[тынкоўка|атынкаваных]] белых дэталей дэкору ўзбагачае архітэктурна-мастацкія якасці помніка.