Жыткавіцкі раён: Розніца паміж версіямі

56 % тэрыторыі займае лес з перавагай хваёвых і чорнаальховых драўняных парод, 14 % — рэкі, азёры і штучныя вадаёмы, балоты, 24,1 % — сельскагаспадарчыя ўгоддзі. Праз тэрыторыю раёна працякае галоўная водная артэрыя беларускага Палесся — рака [[Прыпяць]] з прытокамі [[Случ (прыток Прыпяці)|Случ]], [[Сцвіга]], [[Скрыпіца]], [[Навуць (рака)|Навуць]]. На тэрыторыі раёна знаходзіцца шмат азёр: [[Чырвонае (возера)|Чырвонае]] (самае буйное возера Палесся), [[Белае (возера, Жыткавіцкі раён)|Белае]], [[Найда (возера)|Найда]], [[Вусцечына]] і іншыя. У раёне размешчаны [[Прыпяцкі (нацыянальны парк)|нацыянальны парк «Прыпяцкі»]], частка ландшафтнага заказніка «[[Сярэдняя Прыпяць]]», тры біялагічных заказніка («[[Залюціцкі біялагічны заказнік|Залюціцкі]]», «[[Мілевіцкі біялагічны заказнік|Мілевіцкі]]» і «[[Тураўскі луг]]»), а таксама Жыткавіцкі і Ленінскі паляўнічыя заказнікі.