Панцеляймон (Ніжнік): Розніца паміж версіямі
крыніца — be-tarask:Панцеляймон (Ніжнік) |
(Няма розніцы)
|
Версія ад 11:00, 7 ліпеня 2019
Архімандры́т Панцеляймо́н, свецкае імя Пётр Адамавіч Ніжнік (16 студзеня 1895, Рэчыца, Пружанскі павет, Гродзенская губерня, Расійская імперыя — 13 студзеня 1984, Джорданвіль, Нью-Ёрк, ЗША) — архімандрыт Рускай праваслаўнай царквы за мяжой. Адзін з заснавальнікаў Свята-Траецкага манастыра ў Джорданвілі (ЗША).
| Панцеляймон (Ніжнік) | |
|---|---|
| Імя пры нараджэнні | Пётр Адамавіч Ніжнік |
| Род дзейнасці | архімандрыт Рускай праваслаўнай царквы за мяжой |
| Дата нараджэння | 16 студзеня 1895 |
| Месца нараджэння | |
| Дата смерці | 13 студзеня 1984 (88 гадоў) |
| Месца смерці | |
| Месца пахавання | |
| Веравызнанне | праваслаўе |
Біяграфія
Нарадзіўся 4 (16) студзеня 1895 года ў Рэчыцы Гарадзечанскай воласці Пружанскага павета Гродзенскай губерні (цяпер у Кобрынскім раёне Брэсцкай вобласці).
Калі яму надышло 18 гадоў, бацькі вырашылі ажаніць Пятра. Аднак ён замест гэтага вырашыў з'ехаць у Амерыку на заробкі, і па прыездзе ўладкаваўся на працу на цукровы завод каля Чыкага. Падзеі Першай сусветнай вайны і прыход да ўлады ў Расіі бальшавікоў вымусілі яго адмовіцца ад ідэі вяртання на радзіму.
18 красавіка 1918 пайшоў у Ціханаўскі манастыр. У 1920 прыняў манаства і рукапакладзены ў іерадыяканы, а 10 красавіка 1921 — у іераманахі. З мэтай займець сродкі на адкрыццё ўласнага манастыру Панцеляймон уладкаваўся на працу на аэрапланны завод Сікорскага ў Стратфардзе.
Надзел для будучае будоўлі быў набыты ў 1928 годзе. Пабудова пачалася ў 1930 годзе з дабраславення архіепіскапа Паўночна-Амерыканскага Апалінарыя. Комплекс манастыра быў асвечаны ў 1935 годзе пад тытулам Святой Тройцы. Панцеляймон быў яго настаяцелем да 1946 года.
У 1950 ігумен Панцеляймон узведзены ў сан архімандрыта.
У 1955 згаданы як трасціст (член апякунскай рады) Усходне-Амерыканскай і Джэрсійскай епархіі Рускай праваслаўнай царквы за мяжой. У 1964 згаданы як трасціст Усходне-Амерыканскай і Нью-Ёрскай епархіі РПЦМ[1].
Памёр у 1984 годзе. Пахаваны на царкоўных могілках пры рускім праваслаўным манастыры Св. Тройцы ў Джорданвілі, штат Нью-Ёрк[2].
Зноскі
- ↑ Архимандрит Пантелеимон (Нижник Петр Адамович) ( 1895 — 1985) (руск.). Религиозные деятели русского зарубежья. Религиозная деятельность русского зарубежья: Биобиблиографический справочник (2 кастрычніка 2012).
- ↑ Гардзіенка Н. Могілкі як частка мемарыяльнай культуры беларускай эміграцыі. — academia.edu.
Літаратура
- Е. А. Александров. Русские в Северной Америке: Биографический словарь / Под редакцией К. М. Александрова, А. В. Терещука. — Хэмден (Коннектикут, США) — Сан-Франциско (США) — Санкт-Петербург (Россия), 2005. — 599 с. — 1 000 экз. — ISBN 5-8465-0388-8.