Бег: Розніца паміж версіямі

'''Бег''' — хуткае перамяшчэнне, адзін з відаў фізічных практыкаванняў, састаўная частка многіх відаў [[спорт]]у. У [[лёгкая атлетыка|лёгкай атлетыцы]] бег складае каля 2/3 усіх яе відаў. Спаборніцтвы па бегу праводзіліся ў [[Старажытны Егіпет|Старажытным Егіпце]], [[Асірыя|Асірыі]], [[Старажытная Грэцыя|Старажытнай Грэцыі]]; бег быў асновай старажытных Алімпійскіх гульняў.

Адрозніваюць бег аздараўленчы і спартыўны, гладкі (па роўнай паверхні — дарожка стадыёна, шаша) і з перашкодамі (бар’ерны, стыпльчэйз, крос). Паводле відаў бегу падзяляюць на спрынт (бег на кароткія дыстанцыі — 60,100, 200, 400 м), мітэльштрэкерскі (на сярэднюю адлегласць — 800, 1000, 1500, 2000 м), стаерскі (на доўгія і звышдоўгія дыстанцыі — 3000, 5000, 10000, 20000, 30000 м), марафонскі бег (42 км 195 м), бар’ерны (100, 110, 200, 400 м, на кожнай дыстанцыі па 10 бар’ераў), стыпльчэйз (3000 м, 5 бар’ераў, пасля апошняга — яма з вадой). Усе спаборніцтвы па бегу, за выключэннем марафона, кросу і звышдоўгіх дыстанцый, праводзяць звычайна на [[стадыён]]ах. Вылучаюць некалькі відаў бегу: на месцы, [[Бег трушком|трушком]], хуткі, па лесвіцы (уверх і ўніз), пад’ём у гару.