Мікалай Мікалаевіч Яроменка (малодшы): Розніца паміж версіямі

== Біяграфія ==

Мікалай Яроменка-малодшы нарадзіўся [[14 лютага]] [[1949]] ў сям'і народнага артыста СССР [[Мікалай Мікалаевіч Яроменка (старэйшы)|Мікалая Мікалаевіча Яроменка]] і народнай артысткі Беларусі [[Галіна Аляксандраўна Арлова| Галіны Аляксандраўны Арловай]].

 

Пасля сканчэння школы ў 1967 годзе вучыўся ў Інстытуце кінематаграфіі ў С. Герасімава і Т. Макаравай. Упершыню зняўся ў фільме свайго настаўніка «Каля возера» (1970), потым выканаў ролю лейтэнанта Драздоўскага ў фільме «Гарачы снег» (1972) па рамане Ю. Бондарава. Яго акцёрскі талент атрымаў прызнанне пасля фільма «Чырвонае і чорнае» (1977), дзе выканаў ролю Жульена Сарэля. Сыграў галоўную ролю ў фантастычным фільме «31 чэрвеня» (1979), трыумф акцёру прынёс выхад на экраны фільма «Піраты XX стагоддзя» (1980), калі па выніках апытання, праведзенага часопісам «Советский экран», ён быў прызнаны лепшым акцёрам года. У 1995 дэбютаваў як рэжысёр, калі паставіў фільм «Сын за бацьку…», дзе галоўныя ролі выконвалі ён сам і яго бацька — Мікалай Яроменка-старэйшы. Здымаўся таксама ў фільмах «Царскае паляванне», «Снайпер», «Крыжаносец», «Абяцанне кахання». Адна з апошніх работ акцёра — фільм «Рыцарскі раман».