Іван Васільевіч Гутараў: Розніца паміж версіямі

▲'''Іван Васільевіч Гутараў''' (нар. [[15 красавіка]] [[1906]], в. [[Воўкаўка]], [[Ходасаўскі сельсавет]], [[Мсціслаўскі раён]], [[Магілёўская вобласць]] - [[8 лютага]] [[1967]]) — беларускі [[Літаратуразнаўства|літаратуразнавец]] і [[Фалькларыстыка|фалькларыст]]. Член-карэспандэнт [[Нацыянальная акадэмія навук Беларусі|Акадэміі Навук БССР]] (1953), доктар філалагічных навук (1949), [[прафесар]] (1949). Удзельнік [[Вялікая Айчынная вайна|Вялікай Айчыннай вайны]].

▲== Біяграфія ==

▲Нарадзіўся 15 красавіка 1906 года ў вёсцы [[Воўкаўка]] [[Магілёўская вобласць|Магілёўскай вобласці]] ў сялянскай сям'і. Выхаванец Леменскай школы-камуны на Магілёўшчыне. Скончыў філалагічны факультэт [[Беларускі дзяржаўны ўніверсітэт|Беларускага дзяржаўнага ўніверсітэта]] (1928). Выкладаў рускую літаратуру ў Магілёўскім палітыка-асветніцкім і педагагічным інстытутах, у [[Беларускі дзяржаўны ўніверсітэт|БДУ]]. У час Вялікай Айчыннай вайны служыў у [[Савецкая армія|Савецкай Арміі]], прымаў удзел у [[Савецкі партызанскі рух у Беларусі (1941—1944)|партызанскім руху]]. У 1945-1947 гг. — сакратар партбюро СП [[Саюз Савецкіх Сацыялістычных Рэспублік|СССР]]. У 1947 г. скончыў дактарантуру пры Інстытуце сусветнай літаратуры. Працаваў у [[Камуністычная партыя Беларусі (1918)|ЦК КПБ]] загадчыкам аддзела літаратуры і мастацтва Ўпраўлення прапаганды і агітацыі, а пасля рэарганізацыі намеснікам загадчыка аддзела [[Прапаганда|прапаганды]] і [[Агітацыя|агітацыі]]. У 1951-1957 гг. - загадчык кафедры беларускай літаратуры ў [[БДУ]], У 1957-1967 гг. — загадчык сектара фальклору Інстытута мастацтвазнаўства, [[Этнаграфія|этнаграфіі]] і [[фальклор]]у АН БССР. Член-карэспандэнт Акадэміі навук БССР (1953), доктар філалагічных навук(1949), [[прафесар]](1949). Член [[Саюз пісьменнікаў СССР|СП СССР]] з 1946 г.

▲== Навуковая дзейнасць ==

▲У друку выступаў з 1930 г. Літаратурна-навуковую дзейнасць пачаў у 1932 г., выдаўшы ў Магілёве працу «[[Бальшавізм]] і літаратуразнаўства». Аўтар даследаванняў «[[Карл Маркс|К. Маркс]] і [[Фрыдрых Энгельс|Ф. Энгельс]] аб сутнасці і спецыфіцы [[Мастацкая літаратура|мастацкай літаратуры]]» ([[Магілёў]], 1933), «Барацьба і творчасць народных мсціўцаў» (1949), «Паэтычнае майстэрства [[Уладзімір Уладзіміравіч Маякоўскі|В. В. Маякоўскага]]» ([[Масква]], 1950), «Эстэтычныя асновы савецкай літаратуры»(1950), «Увядзенне у [[літаратуразнаўства]]»(1954), «Філасофска-эстэтычныя погляды [[Аляксандр Сяргеевіч Пушкін|А. С. Пушкіна]]»(1957), «Пытанні літаратуразнаўства»(метадычны дапаможнік для студэнтаў-завочнікаў, 1958), «Асновы савецкага літаратуразнаўства»(1967). Вывучаў пытанні марксісцка-ленінскай эстэтыкі, тэорыі і гісторыі рускай і беларускай літаратуры. Унёс велізарны ўклад у станаўленне гісторыі і тэорыі [[Эстэтыка|эстэтыкі]] як самастойнага навуковага напрамка на тэрыторыі [[Беларусь|Беларусі]]. У 1940-1960-я гады займаўся праблемамі беларускай фалькларыстыкі. Склаў хрэстаматыю «Вусна-паэтычная творчасць беларускага народа» (1959, сумесна з С. І. Васіленкам), зборнікі «Беларускі эпас» (1959, сумесна з [[Пятро Глебка|П. Ф. Глебкам]]), зборнік «Сучасны беларускі фальклор» (1963).

▲І. Гутараў з'яўляецца аўтарам больш за 150 навуковых прац (у тым ліку 5 [[Манаграфія|манаграфій]] і 7 брашур).

▲== Асноўныя працы ==

▲# Барацьба і творчасць народных мсціўцаў. Мн.: Дзярж. выд. БССР, 1949.

▲# Эстэтычныя асновы савецкай літаратуры. Мн.: Выд-ва Акад. навук БССР, 1950.

▲# Філасофска-эстэтычныя погляды А. С. Пушкіна. Мн.: Выд-ва БДУ, 1957.

▲# Асновы савецкага літаратуразнаўства. 3 выд. Мн.: Вышэйшая школа, 1967.

▲# Беларуская народная вусна-паэтычная творчасць. Мн.: Навука і тэхніка, 1967 (у сааўт.).

▲== Узнагароды ==